【Emily】人權新聞獎 明報再膺一人一票最佳圖片獎
[2021.04.27] 發表
【明報專訊】今年「人權新聞獎」嘅「一人一票最佳新聞圖片獎」競爭激烈，Emily收到風結果已經出爐，由《明報》攝影記者馮凱鍵嘅《年少的兄妹》(圖)奪獎。照片攝於舊年九龍遊行，一個12歲女童同哥哥去旺角買文具期間，女童被多名防暴警撲壓在地。阿凱同Emily講，好難因為獲獎而開心，因為新聞攝影係「旁觀他人痛苦」，佢只希望睇到呢張相嘅人，反思一下執法者有冇濫權等問題。
阿凱質疑係咪「年輕就係罪」，話執法者以「限聚令」、「非法集結」等理由拘捕行人，相片可以讓人思考，𠵱家嘅香港究竟係rule of law(法治)定係rule by law(以法而治)。阿凱呢個作品至今取得3獎，除咗人權新聞獎，仲有香港報業公會最佳圖片(新聞組)冠軍，以及「2021台灣新聞攝影大賽」嘅「突發新聞類」項目第二名。
明報攝影記者連續兩年奪得一人一票最佳獎項，去年攝記賴俊傑獲獎，作品《牀墊作盾》捕捉到2019年尾示威者與防暴警察喺中文大學對峙嘅情况。
更多港聞
【Emily】黃大仙祠財神宮 畀100元可為神像貼金
【明報專訊】嗇色園100周年紀慶，喺黃大仙祠有新建設，噚日就為財神宮搞開幕儀式，仲舉辦財神貼金活動，信眾可以畀100蚊領一張足金金箔片，為財... 詳情
【Emily】改建荃灣海濱公園 康署擬引入嬉水沙池區
【明報專訊】康文署計劃改善使用約20年嘅荃灣海濱公園同荃灣公園，噚日向荃灣區議會先介紹首階段工程，其中會先推行改善荃灣海濱公園工程，包括會改... 詳情
【明報專訊】幾度延期的中大校友評議會周年會員大會終在上周六舉行，被視為開明派的楊于銘高票當選校友評議會主席。剛上任的楊于銘昨日以個人名義發公...
詳情
相關新聞
