【Emily】《鏗鏘說》劉智鵬做主持 訪問梁文韜
[2021.04.03] 發表
【明報專訊】香港電台早前一度傳出管理層嫌《鏗鏘說》節目主持蘇玉華「太黃」，要求撤換主持。其後有傳民建聯成員、前荃灣區議員林琳接棒做主持，但結果噚晚播出嘅《鏗鏘說》係由嶺南大學協理副校長劉智鵬(圖右)做主持，訪問知名廚師梁文韜(圖左)。
以往一向由「公共事務組」負責《鏗鏘說》，但據了解，3月底港台管理層突要求由「綜合節目組」負責4月2日一集。而據悉，下星期五或者會播出嘅一集《鏗鏘說》，係原有「公共事務組」製作，由中大社會工作學系助理教授碧樺依主持，訪問甘浩望神父。
Emily向港台查詢噚晚一集《鏗鏘說》主持同嘉賓係唔係由管理層敲定、下集係咪由碧樺依訪問甘浩望，港台回覆話暫時未有回應。
更多港聞
【Emily】美食節禁試飲試食 商戶改「外賣」
【明報專訊】新冠疫情反覆，原定去年底舉行嘅「冬日美食節」變成「春日美食節」，延期至噚日喺灣仔會展開鑼，但令人垂涎三尺、最能吸引人流嘅即場試食... 詳情相關新聞
