【Emily】許智峯憶戰友 爭論有時撐有時
[2021.03.05] 發表
【明報專訊】民主派初選47人被控「串謀顛覆國家政權」，當日有份參加初選、早前遠赴英國嘅立法會前議員許智峯，噚日喺fb寫下同每個人相處點滴，佢形容面對各人審訊「欲哭無淚」，從政以嚟未試過咁沉重、壓抑。阿峯話，記得同民主黨前主席胡志偉過往有唔少意見分歧、鬧到臉紅耳熱嘅時候，但喺佢官司纏身、辭職離任時，志偉總係拉佢埋一邊講，「你仔細老婆嫩，家庭上生活上有任何需要，記得開聲，做兄弟的一定想辦法撐你」 。
探戴耀廷監 談社運談法治研究
阿峯憶述當年探戴耀廷監，對方滿腔熱情同佢討論社會運動、出獄後會做嘅法治研究，「那時氣氛彷彿就像身處他港大的教授辦公室內一樣，牢獄鎖不住他高尚的情操」；佢又記得2014年「預演佔中」，前民主黨黨友區諾軒同佢講，無論黨嘅立場如何，佢哋都要一齊出席，當晚佢同區軒以及另外500幾人一齊被捕、通宵扣查。
阿峯話反修例運動時，有次被捕後送院，鄺俊宇、灣仔區議會主席楊雪盈去醫院探佢，仲準備好衣服鞋襪，等佢換走滿身胡椒嘅衫，「鄺神笑說，都是楊雪盈細心準備的」。
更多港聞
【明報專訊】團結香港基金噚日舉辦論壇，探討填海問題，出席嘅合和實業主席胡應湘（哥頓）重申支持明日大嶼項目，話香港過去一向以開山填海方式供應土...
詳情
【Emily】百機構獲頒首屆「私隱之友嘉許獎」
【明報專訊】個人資料私隱專員公署噚日舉行「私隱之友嘉許獎2021」頒獎典禮，表揚機構喺保障個人資料私隱方面嘅努力，政制及內地事務局長曾國衞擔... 詳情
【明報專訊】疫情衝擊幼稚園營運，教育局回覆，收到8間幼稚園上學年停辦通知，本學年則有3間，累計11校已或決定停辦。至於下學年參加獲政府資助的...
詳情
相關新聞
