【Emily】何啟明：失業唔等於困苦 郭偉强轟「人嚟㗎？」
[2021.03.04] 發表
【明報專訊】勞工及福利局副局長、工聯會何啟明繼早前出席立法會委員會會議被黨友麥美娟質疑「你耍我哋呀？」之後，噚日開會傾失業保險議題時，被黨友郭偉强質疑佢：「人嚟㗎？」
話說立法會「研究在港設立失業援助制度小組委員會」開會，郭偉强會上質疑，現時有逾20萬人失業，當中只得約一成人攞緊綜援，問政府係咪因為綜援門檻太高，定刻意令人攞唔到失業綜援，批評政府成日話以失業綜援處理現時問題，但原來唔得，同市民期望有天淵之別。
何啟明回應話，現時制度下，失業者都係按資產計算合資格與否，「失業人士唔等於困苦，有啲人失業但較有錢，可能唔做嘢住」，如果失業者資產較鬆動、銀行仍然有錢，就未必攞綜援，可改為攞職津或接受食物銀行援助。
郭偉强發言時就炮轟：「副局對香港市民好有信心，人人都有好多資產，年幾唔做嘢都冇問題、都開到飯嘅？人嚟㗎？」佢話好多工友冇可能賣樓抵債，亦無法即刻變賣資產解決生活問題，批評政府面對失業新高、各界一致要求有失業援助金，聽而不聞、視若無睹，根本應對唔到風浪，認為要思考係咪要設長遠機制，唔好再做「太極高手」。
更多港聞
【明報專訊】《文匯報》噚日報道，深水埗民政事務專員謝嘉敏前日去信深水埗區議會主席楊彧，指副主席伍月蘭上年處理助理伍寶芳申請區議會活動撥款時未...
詳情
【Emily】警隊出《認清事實》特刊 話新屋嶺指控「離譜」
【明報專訊】警隊刊物《警聲》出咗本特刊《認清事實 謠言謊話真不了》，內有10版，序言提到警隊喺反修例事件後被鋪天蓋地嘅失實資訊抹黑，又喺傳媒... 詳情
筲官中六全級檢疫 難忘同學視像團年 DSE考生嘆失與同學奮鬥時光
【明報專訊】中學文憑試（DSE）下月底開考，今屆考生自去年初遇上疫情，只可斷斷續續回校上課，其中筲箕灣官立中學全級中六生更於農曆新年假前被隔... 詳情相關新聞
