【Emily】批張志剛做政協唔識「協商」 曾鈺成：侮辱咗你老闆梁生
[2021.02.01] 發表
【明報專訊】對於特首要維持「選舉」，定改由「協商」產生，特首林鄭月娥就話唔想參與呢種隔空爭拗，不過討論無因而停止。全國政協委員張志剛上周四喺本報撰文，話「協商」產生特首根本唔需要修改《基本法》附件一，附件一嘅程序只規定「選舉」呢種產生辦法。立法會前主席曾鈺成前日拍片隔空反駁，不點名回應張志剛「咁都講得出」，話「有一啲理論家走出來寫文章，愈講愈離譜」。
張志剛喺文章話，「協商」就係「中央問問各方意見，聽後再作決定」。曾鈺成喺「灼見名家」節目話《基本法》規定，協商或選舉嘅產生辦法同樣受附件一規定，文字寫得好淺白，回應張志剛嘅講法時，佢連問兩次「咁你都講得出？」
張志剛撰文：附件一只限選舉非協商
曾鈺成：咁你都講得出？
曾鈺成認為，協商都要按照規矩、辦法做事，不點名話張志剛作為「中國人民政治協商會議全國委員會委員」，竟然唔知道「協商」係乜嘢，質疑張有冇睇過政協嘅章程。
曾鈺成引述章程，話「協商民主是我國社會主義民主政治的特有形式和獨特優勢」，質疑張志剛嘅說法，「係咪褻瀆我們國家嘅獨特優勢——協商民主呢？係咪侮辱咗你嘅老闆，身為全國政協副主席嘅梁(振英)先生呢？」
更多港聞
【Emily】林鄭駱惠寧訪警總 中聯辦警聯部長露面
【明報專訊】特首林鄭月娥噚日同中聯辦主任駱惠寧，一齊去咗灣仔警察總部同尖沙嘴警署，了解警隊近况，並同處理「違法暴力事件」時受傷嘅警員見面，表... 詳情
【明報專訊】唔少民主派去「黃店」做店長，中大社會學系退休副教授陳健民（KM）經常喺Youtube頻道分享讀書心得，佢日前就透露，星期五（5日...
詳情
【Emily】「新華香港」fb發炮 鬧BNO計劃遮羞布
【明報專訊】英國政府噚日起推出計劃，合資格港人可以BNO申請移民當地，事件引起北京及港府口誅筆伐，官媒不停發炮，新華社亞太總分社facebo... 詳情
【Emily】重返南區 區諾軒街站寫揮春好生意
【明報專訊】疫情肆虐，農曆新年氣氛都淡咗唔少，亦因限聚令，議員擺街站都少咗，但亦有區議員繼續開檔，幫街坊寫揮春。無做議員好耐嘅區諾軒都好有心... 詳情
【Emily】建制派邀醫護拍片 陳肇始和你拜年
【明報專訊】農曆新年將至，但疫情仲未平息，由建制派組成嘅「全港社區抗疫連線」噚日搞宣傳活動，邀請知名醫護人士拍短片，送上節日祝福，又喺全港各... 詳情相關新聞
