【Emily】林鄭話碧街行動達標很高興 380人驗330人 民主黨斥做騷
[2021.01.28] 發表
【明報專訊】佐敦油麻地「受限區域」周一凌晨解封，特首林鄭月娥噚日喺facebook出帖，話總結首次封區經驗，「行動保密」、「範圍聚焦」、「時間壓縮」成為行動目標。政府周二封鎖碧街3幢樓，林太話「很高興事隔一天，同事在碧街『受限區域』的強檢行動中就達標」(圖)。封區歷時約11個鐘，林太感謝居民合作，仲話要為行動中約380名公務員同事「點讚」。
林太嘅「高興論」引來唔少批評，民主黨油尖旺區議員李偉峰、曾自鳴發稿，話封區行動極度失敗，既無效率亦無成效，只係不斷擾民，佢哋批評林太以「很高興」為行動作結，又話行動能夠達標，民主黨油尖旺黨團對此「嗤之以鼻」。兩人話政府動員380人，但只有約330名居民檢測，人手比例較佐敦封區更誇張，批評根本係一場政治騷。
貼「拉環餐肉」相再掀討論
早前港台及其他傳媒報道，政府喺佐敦油麻地受限區域派發嘅物資及罐頭，因為有人無罐頭刀而食唔到，引來建制派連日狙擊。林太噚日喺帖文中都附上一張物資圖，相中兩罐午餐肉罐頭都係拉環開蓋。雖然張相冇文字說明，但10小時內已吸引超過1500個網民畀「反應」，網民繼續留言談論罐頭刀爭議。
更多港聞
【明報專訊】政府去年9月喺中央幫手下推行咗為期14日嘅普及社區檢測計劃，聘用咗1.2萬人幫手，當中唔少係公務員。檢測工作完成咗4個月，員工近...
詳情
【Emily】政府6.6億保育龍津石橋遺蹟 何君堯話係「一堆爛石」
【明報專訊】立法會工務小組委員會噚日開會，討論保存位於九龍城嘅龍津石橋遺蹟，及興建一條保育長廊，涉款約6.6億元。建制派何君堯強調唔反對保育... 詳情
【明報專訊】農曆新年年宵市場被政府勒令取消後又「復活」，但攤位數量減半，仲有傳營業時間要縮到朝九晚九，激到一班花農呱呱叫。食環署噚日以手機短...
詳情
【Emily】陳恒鑌指強檢派卡片自我宣傳 阿尹罵無知
【明報專訊】政府早前宣布葵涌石蔭邨仁石樓需要做第二次強制檢測，當區區議員、民主黨尹兆堅都有到場協助。民建聯立法會議員陳恒鑌噚日話收到市民舉報... 詳情相關新聞
