【Emily】律師會：年輕人有不滿應訴諸現有渠道
[2020.12.11] 發表
【明報專訊】香港律師會舉辦嘅「青Teen講場」10周年以「推紀及仁」為主題，之前Emily發現佢哋今年有新活動，帶領中學生參觀紀律部隊，包括警務處。律師會噚日解釋，話過去一年社會對紀律部隊觀感差係事實，社會亦成日認為香港有「警暴」，希望中學生藉住參觀，同紀律部隊有「第一手接觸」，了解部門日常運作。
律師會理事兼「青Teen講場」籌委會主席湯文龍話，之前「青Teen講場」講過司法、立法，但就無觸及執法；而過去一年社會事件，年輕人都抱有好多不滿同疑問，律師會決定花工夫聯絡7個紀律部隊，畀青少年有機會同紀律部隊溝通，了解各部門日常運作，參觀完唔會要求青少年認同或唔認同某啲看法。
律師會副會長陳澤銘話，今年活動主題係「推紀及仁」(Law ＆ Enforcement)，律師會對維持法治責無旁貸，話守法唔係法治全部，但守法係法治中最重要嘅一個組成部分；如果年輕人對社會有不滿，應透過現有渠道推動社會進步，而唔係訴諸暴力。
律師會會長彭韻僖都話，如果人人都以主觀意願決定遵守或唔遵守某啲法律，甚至覺得某啲法律過時而唔守，會破壞法治嘅根基。
更多港聞
【Emily】麗晶區議員英國探仔 建制狙擊食炸魚
【明報專訊】第四波疫情嚴峻，其中九龍灣麗晶花園第6座爆發疫情，部分居民噚日要送往隔離營檢疫，其餘同座居民亦要檢測。不過，觀塘麗晶區區議員、公... 詳情
61%英文DSE重考生無升級 25人兩連U 教師：自修生少聽少講
【明報專訊】考評局昨公布2020年中學文憑試（DSE）統計資料，包括重考生成績分析。今年共有4450名有應試的重考生，當中4%為日校生。眾多... 詳情
【明報專訊】大學聯合招生辦法（JUPAS）首階段申請前日結束，中六人口持續下降，但部分學科競爭依然激烈，浸大的「傳理學學士-電影主修 - 動...
詳情
相關新聞
