【Emily】運署話危險 唔批「BE WATER」車牌
[2020.11.28] 發表
【明報專訊】嚿年反修例運動期間，李小龍名句「Be Water」成為咗抗爭者其中一句口號。市民李先生嚿年9月向運輸署申請自訂車牌「BE WATER」，事隔一年幾，噚日收到運輸署覆函話署長拒絕有關申請，原因係號碼「可能對其他道路使用者的安全構成危險」。
有人話可令駕駛者「隨意」駕駛
運輸署回應話，署方會先查核自訂車牌號碼係唔係符合基本組合規定，收到按金後，會諮詢相關決策局同部門意見，然後提交審核委員會討論，最後提交運輸署長考慮係唔係接納有關申請。
據了解，部分字眼如「STOP」、「FAST」、「TURNRIGHT」、「TURNLEFT」等一向被禁申請自訂車牌，有人認為「BE WATER」令駕駛者認為可「隨意」駕駛，影響道路安全，遂拒絕有關申請。
李先生同Emily講，嚿年9月向運輸署申請自訂車牌「BE WATER」，本身諗住自用，不過覺得拎出嚟拍賣應該都有人有興趣買，「咁其他人拍賣買到咪其他人用囉」。
噚日李先生收到運輸署覆函話唔批，仲話庫務局會退番5000元按金。李先生話「預咗會唔批」，認為有關決定「搞笑」，「好明顯係政治審查」。佢將有關覆函擺咗上facebook，有網民建議佢試吓申請「BE H2O」、將兩隻字調轉申請「RETAW EB」，或者試吓德文嘅「BE WATER」。
更多港聞
【Emily】娥姐問認唔認得佢 星爺：化灰都認得
【明報專訊】影星周星馳噚日繼續就前女友于文鳳追逾7000萬佣金案到高院作供，粉絲齊齊「追星」，當中包括「千禧後」影迷，同埋曾參加立法會選舉嘅... 詳情
【明報專訊】政制及內地事務局長曾國衞周三聽特首發表施政報告時，畀傳媒影到佢難敵睡魔，噚日喺記者會主動解畫，話當日因為扁桃腺炎食咗抗生素、消炎...
詳情
【Emily】Na Can最後一天 鄧經理做大組長 帶校友Dem beat
【明報專訊】中大新亞書院學生餐廳噚日最後一日營業，校友會原本諗住搞歡送晚會，但因為疫情取消，改為校友會同餐廳鄧經理、老員工一齊fb Live... 詳情相關新聞
