【Emily】被警拉跌孕婦 誕B女貝貝
[2020.11.19] 發表
【明報專訊】港鐵太子站8．31事件發生一年當晚旺角發生衝突，其間孕婦馮太被警員拉跌。油尖旺區議會副主席、公民黨余德寶話，馮太噚日喺屯門醫院順利誕下女兒，BB女叫做「貝貝」，馮太話多謝大家關心；馮先生就寄望女兒「健康、善良、樂於助人」。余德寶就覺得貝貝好「大命」，媽媽跌親後平安降生，希望貝貝可以喺如今風雨飄搖嘅日子中健康快樂咁成長。
與區議員研投訴警方
馮先生喺旺角衝突當晚涉公眾地方行為不檢被捕，余德寶話馮生月尾要去警署報到。另外，余德寶都同馮太研究緊可唔可以就事件投訴警方，「撞跌咗人哋，當日嘅警員係咪需要負責？」余德寶曾經喺區議會就事件質詢警務處長鄧炳強，馮太當日睇住區議會直播，過後回應話多謝大家幫忙。
鄧炳強喺9月尾出席區議會會議時解釋，當時現場非常混亂，有人作出擾亂公眾嘅行為，警方要拘捕，而被捕者正在懷孕嘅妻子跌倒，警員立即協助、安慰，其後將佢送院；警方亦作出「特別安排」，准許被捕者同妻子前往醫院安頓，再返回警署。余德寶當時反駁，馮太係被警員拉跌，唔係鄧講成嘅無故跌倒，而且馮生係被警方噴胡椒噴霧，需要送院，並唔係獲「特別安排」可以陪同妻子入院。
更多港聞
【明報專訊】民主派立法會議員總辭後，開會好「暢順」。以往泛民會喺工務小組委員會積極發問，開會要用兩個鐘，而噚日朝早嘅工務小組只係用咗一個鐘，...
詳情
【明報專訊】美國先後宣布制裁15名中港官員，部分人喺香港有「磚頭揸手」且未還清按揭。警務處長鄧炳強早於8月將名下置富花園單位由匯豐銀行轉按到...
詳情
【Emily】房署指海報內容敏感 陳兆陽P走病毒字
【明報專訊】快到年尾，區議員都準備派發明年嘅掛曆，沙田區議員陳兆陽（Billy）準備咗啲派掛曆嘅宣傳海報，但因為喺海報中嘅佢著住一件印有「C... 詳情
【明報專訊】高等法院之前裁定劉小麗選舉呈請勝訴，喺嗰次立法會補選勝出嘅建制派陳凱欣屬非妥為當選，阿欣提出上訴，終院喺9月18日拒批上訴許可，...
詳情
相關新聞
