【Emily】最後一年四字頭 紅會送「蛋糕」 陳淑莊生日捐血：慶幸有此福
[2020.09.15] 發表
【明報專訊】公民黨立法會議員陳淑莊(Tanya)噚日49歲生日，喺疫情下唔少人都冇約朋友、冇大事慶祝，Tanya噚日就選擇喺「最後一個四字頭嘅生日」去捐血，佢形容「慶幸能有此福氣」，仲話原來生日去捐血，紅十字會會送蛋糕襟針，佢今年已捐咗兩次，年尾可以捐多次，係捐血常客咁話。
上年做腦手術 休息一年終可捐血
Tanya同Emily講，噚日係去捐血站「等開門」咁去捐血，笑言登記時都有拎身分證睇一睇，確認自己今年49歲，佢話整個過程唔使一個鐘，現場所見捐血嘅人都唔少。
上年5月接受移除腦膜瘤手術嘅Tanya話，生日願望當然係身體健康，話做完手術後要一年先可以再捐血，而捐到血亦係反映身體狀况良好，佢對此都好「托賴」，亦會提醒自己要keep fit。至今已捐血19次嘅佢話未來都希望定期捐血。
至於點慶祝，Tanya話唔少朋友都好好，約佢慶祝，但佢話正日生日都想靜靜地過，媽媽早前已同佢慶祝農曆生日；辦公室亦有同事同佢同日生日，疫情關係佢哋亦要輪更返辦事處，但已約好稍後一齊慶祝。
更多港聞
【Emily】普檢完結 建制赴「火眼實驗室」多謝內地人員
【明報專訊】普及社區檢測計劃（全民檢測）噚日係最後一日，建制派近日頻頻去「慰問」、感謝內地來港嘅檢測人員，除咗日前去酒店之外，民建聯、經民聯... 詳情
【Emily】月前報名挑戰郭榮鏗 麥慶歡：反修例抑鬱暴食肥十幾磅
【明報專訊】立法會選舉因為疫情被押後，喺7月嘅提名期時，女大律師麥慶歡報名參選法律界，挑戰現任議員公民黨郭榮鏗，當時大家都唔太認得麥慶歡。麥... 詳情
【Emily】年薪逾百萬 資深傳媒人洪曉敬幫聶德權
【明報專訊】公務員事務局長聶德權近期頻頻曝光，孭起全民自願檢測項目，原來佢近日喺外邊搵咗幫手，喺政策局開咗個月薪11.8萬至12.6萬元嘅高... 詳情
【明報專訊】12名港人涉非法越境，被扣押喺深圳超過3星期，立法會議員朱凱廸同涂謹申上周六陪同被捕者家屬見記者，阿涂當日一開始先用英文發言。港...
詳情
相關新聞
