【Emily】鍾庭耀Twitter同網民「你問我答」
[2020.09.14] 發表
【明報專訊】香港民意研究所行政總裁鍾庭耀今年8月開設Twitter帳戶，日前仲同網民就香港民研下星期開始為民主派去留做嘅民調玩「你問我答」。有網民就好奇，民調有冇機會問番初選有投票嘅選民，鍾庭耀話調查係隨機抽樣，所以的確有機會抽中初選投票者，佢估計概率大約十分之一，但就「不作調查紀錄」。
對於網民關注只係計算參與民調議員嘅支持者，鍾庭耀話之前講過，如果所有民主派議員共同接受綑綁，問題會完全消失；佢強調今次係屬於徵求支持者嘅授權，又話「不表明服膺(民調)者，支持者無權可授」。
延任民調目標樣本加至2400
今次民調由香港民研同中大傳播與民意調查中心合作，早前原定隨機抽樣訪問約2000人，有網民就話2000個樣本太少，問會唔會考慮增加樣本數目。
鍾庭耀話兩個研究團隊已經敲定爭取更多樣本，目標係希望達至2400個成功樣本。有網民話一切交畀市民決定，鍾庭耀就話「慎思明辨，集思廣益，再作決定。合則同路，就算各自爬山，也可互相扶持」。
更多港聞
【明報專訊】政府上星期五放寬限聚令至4人，食飯亦可以最多4人一枱，過去嘅周末市面人流明顯大增，新民黨主席葉劉淑儀噚日就喺facebook話，...
詳情
【明報專訊】疫情期間，康文署唔少場地包括運動場、博物館都關閉，康文署喺4月時成立一站式網上資源中心，等市民喺屋企都可以了解康文活動甚至跟住短...
詳情
內地「指導教師」角色掀爭議 「中港協作」參與校：借鏡非受指導
【明報專訊】教育局「內地與香港教師交流及協作計劃」（下稱計劃），當中內地「指導教師」角色早前掀爭議。據2020年《小學概覽》，有數間小學提及... 詳情
相關新聞
