【Emily】參選挑戰梁繼昌 譚香文自稱民主女神
[2020.07.30] 發表
【明報專訊】黃大仙區議員譚香文前日報名參選會計界立法會選舉，仲講明要挑戰現屆民主派議員梁繼昌。佢噚日喺facebook發表題為「民主女神計劃重回議會」嘅文章，佢話企出嚟係令選民多一個選擇，叫大家拋棄同一個光譜出嚟選就係「𠝹票」嘅錯誤觀念。
話當年支持梁繼昌係「錯誤」
譚香文話，當年支持梁繼昌出任議員，但近年觀察對方喺重要議案嘅投票取態，令佢質疑梁係咪一個疑似民主派嘅建制派，所以佢要重回議會，為當年嘅錯誤選擇作補償。
對於有指政府會押後選舉，譚話係政府怕輸，只要消息未公布，佢都會繼續選舉工程。不過有網民就留言問佢：「叫自己民主女神你都好意思？ 」譚文香喺2004至2008年出任會計界議員，喺2005年對政改方案投下關鍵反對票，一度被傳媒形容為「民主女神」，其後佢爭取連任失敗，輸畀陳茂波。會計界已有5人參選，包括梁繼昌、林智遠、譚香文、林全智及黃宏泰。
更多港聞
【明報專訊】近日疫情嚴重，好多人免得過都唔出街，又或在家工作，食飯都要搵地方，連帶捐血嘅人都大減。紅十字會輸血服務中心行政及醫務總監李卓廣噚...
詳情
【明報專訊】香港民意研究所日前發布民主派初選各票站嘅點票結果，部分勝出參選人地區勢力強勁，可能只係靠兩三個「票倉」已經決定到戰局。當中，民協...
詳情
【明報專訊】民政總署日前去信中西區議會主席、民主黨鄭麗琼，以「相互尊重 理性溝通」為題，批評中西區區議會一直偏離以上原則，甚至有惡化迹象，...
詳情
相關新聞
