【Emily】半世紀歷史 九龍城公和「有緣再見」
[2020.07.20] 發表
【明報專訊】走過滄海桑田，香港地唔少舊區嘅小店都已成會歷史回憶。超過半世紀歷史嘅九龍城公和荳品廠，因業主收回舖位發展，近日喺正門掛出「光榮結業，有緣再見」橫額，店主話會喺9月尾正式結業，考慮搵其他地方再經營。
業主收回舖位 試另覓地方
噚日晏晝九龍城公和荳品廠外人頭湧湧，店員忙個不停，好多人排隊希望一嘗佢哋嘅豆製品。荳品廠保留咗舊式裝潢，地板、牆身係上世紀嘅紙皮石同階磚，外邊大吊牌同大橫牌坊，上面以紅色大字寫住「公和荳品廠」，充滿舊香港色彩。
第三代經營者潘小姐話，前業主3年前將舖頭賣咗畀發展商恆基，恆基近日通知佢哋收番舖頭發展。佢對店舖結業感可惜，話店舖經營60幾年，因父親與前店主相識，1997年前店主移民就由父親頂手經營，父親喺2009年去世，就由佢接手。潘小姐話，即使面對疫情經營困難，佢仍然想繼續做，但業主收番間舖，佢會嘗試搵其他地方再做，但暫時未搵到合適舖位。
原店主九七移民頂手
有唔少熟客對公和荳品廠結業感到可惜，光顧多年嘅街坊丘太對結業表示無奈，「無計啦，拆樓嘛！舊嘅唔去，新嘅唔嚟」。熟客陳先生就好有信心公和可以另覓地方再經營。
更多港聞
【Emily】漁署推水耕新技術 種菜重咗又多咗
【明報專訊】政府近年推動水耕，除咗令業界喺大廈都種到菜，配合現代生產技術，仲可以提高農作物生產速度，令農民有更好收成。漁護署近期向水耕業界推... 詳情
中大疫境助學金惠新生 看疫情影響不看學術表現 料助600人
【明報專訊】今屆中學文憑試（DSE）考生經歷社會事件、新冠肺炎疫情、文憑試延期等風波，終在後日（22日）迎來成績表。中大協理副校長兼入學及學... 詳情
【明報專訊】中學文憑試（DSE）放榜在即，學友社學生輔導顧問吳寶城說，今年受疫情影響，部分中學未能舉行模擬試，加上DSE取消中英文口試，考生...
詳情
相關新聞
