【Emily】太太靚定阿媽靚？ 啟剛遇死亡提問
[2020.06.29] 發表
【明報專訊】政圈盛傳全國政協委員霍啟剛考慮參選立法會體育、演藝、文化及出版界，近日佢就喺facebook推出「你問我答」同網民交流吓。有網民問佢，覺得太太郭晶晶抑或媽咪朱玲玲靚啲，佢一聽就話「嘩呢個(問題)害死人㗎喎」，話人喺唔同成長階段，發放嘅「靚」都唔一樣，咁即係太太定媽咪靚啲？佢就答「都靚」。
fb搞「你問我答」 答「都靚」
被問到點樣維持婚姻關係嘅新鮮感，霍啟剛話結咗婚8年，都過咗7年之癢，形容兩公婆生咗小朋友後，好容易會聚焦小朋友身上，但佢堅持每周同老婆睇一次戲，「好唔好睇次要，係兩個人時間、relax吓」，周末都會去吓短途旅行。
出身富貴嘅霍啟剛喺片中表現「貼地」一面，其間展示自己個袋，裏面除咗卡片、電話、銀包、口罩套同口罩，仲有一個裝滿不同Coupon嘅信封，例如停車券同餅卡。有網民留意到佢成日拎住環保袋買餸，佢話拎環保袋又冇成本，又唔係好繁複；仲話習慣喺屋企門口擺個袋，叫工人將膠樽、玻璃樽放入去，定期兩三日拎去回收，形容環保都好重要。
更多港聞
【Emily】田二少發聲明：女兒家事從此高度自治
【明報專訊】全國人大常委會噚日起喺北京開會，審議「港區國安法」，身兼人代嘅田北辰申請北上列席，但無獲邀參加，田二少心情似乎無受影響，噚日公布... 詳情
【Emily】港人滯留外地 入境處收1.57萬求助
【明報專訊】新冠病毒疫情下，唔少國家封關，大批港人滯留外地。入境處協助在外香港居民小組由今年1月至6月24日收到超過15,700宗各地港人求... 詳情
【Emily】3商場半年回收800kg紙包飲品盒
【明報專訊】香港2018年每日棄置67公噸紙包飲品盒到堆填區，缺乏有系統回收途徑，綠領行動同啟勝物業管理公司合作，由去年10月至今年4月喺元... 詳情
【明報專訊】「Over my dead body」呢句說話，近年各地唔少政界人士都講過，噚日輪到民建聯周浩鼎（Holden），佢話「極端分子...
詳情
大笑瑜伽助小六生減壓 佛教林炳炎紀念學校冀播笑的種子
【明報專訊】「呵呵哈哈哈」，小六生戴着口罩，高呼口號，一時佯裝小雞，一時佯裝獅子。佛教林炳炎紀念學校的小六生趁着畢業前，於校內體驗大笑瑜伽，... 詳情相關新聞
