【Emily】推廣中華名句 教局製手機貼圖
[2020.06.19] 發表
【明報專訊】教育局推出「中華經典名句」，畀學生同公眾認識中華文化精粹，當局為學校提供教學資源、幫助教授名句之外，仲整咗一系列手機通訊程式嘅表情圖像，畀公眾免費下載，每個都有可愛嘅古裝人物公仔，配合一經典名句，等大家用貼圖時都可以「拋吓書包」，講番幾句名句。
教育局推薦嘅名句分為6個主題，包括仁民愛物、公正誠信、堅毅明志、責任承擔、尊重包容、勤勉好學，相信好多名句大家都有聽過，例如仁民愛物中就有名句「老吾老，以及人之老；幼吾幼，以及人之幼」(見公仔圖)；堅毅明志中就有「世上無難事，只怕有心人」等。
局方亦向中小學提供教學資源，解釋名句意思同出處，希望學生吸收傳統經典智慧，培養良好品德情操。
更多港聞
【Emily】梁美芬新歌《點解要攬炒》 繼續loop風
【明報專訊】經民聯梁美芬又有新歌推出，名叫《點解要攬炒》，曲風維持一貫風格，全首歌幾句歌詞狂loop，容易上口，第一句就係佢帶唱﹕「點解要攬... 詳情
【明報專訊】民主派因為立法會內會爭議，唔承認民建聯李慧琼擔任內會主席，杯葛加入由內會成立嘅法案委員會。根據立法會文件，《有限合夥基金條例草案...
詳情
相關新聞
