【Emily】阿尹收回 唔用賤形容何君堯
[2020.05.22] 發表
【明報專訊】立法會大會噚日繼續審議延展限聚令嘅法案，李慧琼 (Starry)以內會主席身分暫代梁君彥主持大會時，再被民主派議員質疑佢主持會議嘅資格，話佢係「扮主席」，又叫佢做「偽主席」、「假主席」。Starry多次要求民主派議員收番言論，否則要求佢哋離開會議廳。
何君堯發言時，就畀民主黨尹兆堅以規程問題打斷，話何發言離題，何君堯就鬧阿尹唔聽書，「講咗分幾鐘就企起身objection，ob咩jection，人就好似肥，心胸就好窄，無氣喺入面」，更批評泛民妖言惑眾云云。Starry未有要求何君堯收回言論。
何君堯話阿尹心胸好窄
到阿尹發言時，除咗批評Starry主持不公，又鬧番何君堯「聰唔聰明就唔知，最賤一定係佢，最黑一定係佢」。何君堯認為「賤」嘅言論有冒犯，要求阿尹收回，一度搞到要暫停會議。
復會之後，Starry裁定阿尹嘅言論有冒犯性，阿尹就話「賤」字言論係「貴賤」嘅概念，但為免「崩口人忌崩口碗」，佢唔會再用「賤」去形容何君堯。
更多港聞
【Emily】曾與梁繼平編撰《香港民族論》 舊戰友轟李啟迪骨氣換入場券
【明報專訊】曾經同港大學生會《學苑》時任總編輯梁繼平編撰《香港民族論》嘅李啟迪，噚日喺《明報》觀點版撰文「致繼平的信 」，話香港獨立並非選項... 詳情
【Emily】被問邊間媒體 TVB記者答「東方星島」
【明報專訊】教育界立法會議員葉建源噚日喺立法會講教協調查，有記者問佢教協會址被指有僭建一事，葉sir問佢係邊間媒體，呢位記者窒住答「東方星島... 詳情
DSE中史卷問日軍侵華宣傳 教局稱符宗旨 必答題問日軍傳單是否可信 局方籲考生毋須顧忌
【明報專訊】中學文憑試（DSE）昨考中史科。有試題問及抗日戰爭，提供當時日軍出版「日方戰勝」宣傳單張，問考生是否同意日軍傳單的觀點。考評局稱... 詳情
【明報專訊】昨日中學文憑試考中史科，在卷一選答部分，有題目關於文化大革命，考生要分析文革背景及影響。有考生稱，文革議題較敏感，擔心題目會遭取...
詳情
相關新聞
