【Emily】發文盼「光復議會」 籲商家做選民 阿布泰老闆想選進出口界
[2020.03.05] 發表
【明報專訊】區議會選舉令泛民陣營雄心壯志，希望喺9月立法會選舉取得過半數議席，但要達成呢個目標就要「攻陷」部分傳統功能組別，過去從來無出現挑戰嘅「進出口界」，今年亦好大可能出現競爭。「黃店」阿布泰國生活百貨嘅創辦人林景楠噚日喺facebook宣布，積極考慮參選進出口界，消息一出，大批網民留言支持，帖文5小時已有逾2000人like同畀「心心」。
連任至今零競爭 黃定光話交棒
民建聯黃定光由2004年起擔任進出口界議員至今，每次都自動當選，佢早前透露有意交棒。
林景楠喺fb以「光復議會」出帖，話從商4年，一直思考作為商人嘅定位，「由始至終，毋忘初衷」，佢公布「有強烈意向，並會積極考慮參選今年度立法會選舉—功能組別的進出口界別」，並呼籲各位老闆積極成為進出口界選民，「你的一票相當重要」。Emily向林景楠查詢，佢透過助理話現時仍然準備中，有進一步消息會再公布。
選舉事務處數字顯示，進出口界嘅團體、個人選民共有1299人；要做呢個界別選民，需要係例如香港出口商會等不同商會嘅會員，或者領有進口飲用酒類牌照、註冊從事進口供喺香港使用嘅汽車等嘅公司，只要公司喺過去12個月一直運作，就符合資格登記。如果要趕及9月立法會選舉投票，必須喺5月2日之前申請。
更多港聞
【Emily】馬蹄露警方「合拍片」 籲防網購口罩騙案
【明報專訊】香港持續鬧口罩荒，近日出現多宗上網買口罩騙案，警方特別拍片提供防止受騙貼士大家，呼籲市民小心網購，仲請來曾參與撐警集會嘅藝人馬蹄... 詳情
【明報專訊】由「六四舞台」籌備嘅舞台劇《5月35日》去年演出，顧名思義係講述六四事件，除咗場場爆滿之外，劇目亦叫好，喺香港戲劇協會嘅「第29...
詳情
【Emily】高永文：隨便講「封關」非科學態度
【明報專訊】政府抗疫措施備受關注，SARS時擔任醫管局行政總裁嘅食衛局前局長高永文噚日同傳媒聚會期間，形容香港嘅防疫措施已經係史無前例地嚴格... 詳情
相關新聞
