【Emily】泛民要求波哥 取消非緊急財會
[2020.01.30] 發表
【明報專訊】武漢肺炎疫情持續擴散，立法會秘書處前日宣布，除咗今日舉行嘅衛生事務委員會特別會議、聽日嘅財委會，其他服務將會暫停。財委會聽日繼續討論公務員加薪，22名民主派議員去信主席陳健波(波哥)，以議員、助理如有需要都未能查閱檔案，影響審議工作等原因，要求取消非緊急嘅財委會會議。
波哥就話要考慮其他議員意見，亦要同秘書處溝通，了解立法會嘅防疫措施同安排。佢又話財委會積壓近50項撥款申請，涉逾千億元，要考慮積壓項目對社會嘅影響，作出平衡，今日會做決定。
民署疫情為由 取消黃大仙會議
泛民立法會議員要求取消財委會，而黃大仙區議會噚日原定召開特別會議討論疫情，但民政事務總署致電主席許錦成，以疫情嚴重、不宜聚集人群為由，表明職員唔會辦公，需取消會議；當區區議員就譴責署方失職、越權，自行開會討論疫情應對。而北區區議會昨召開特別會議，討論早前政府計劃以粉嶺暉明邨作隔離設施一事。政府前日已表明放棄以暉明邨做隔離營。
民政事務總署回覆Emily話，曾向黃大仙區議會建議傳閱文件處理，會稍後跟進以此方式所作嘅決定；至於北區區議會，係鑑於最近針對暉明邨嘅「社會暴力事件」及當區居民關注，議程為緊急性質，討論有助釋除市民關注，故特別安排召開會議。
更多港聞
【Emily】街坊求助 提議張秀賢搵「整口罩機」
【明報專訊】全城搶口罩，即使有錢都買唔到，好多市民搵區議員求助，希望佢哋幫手搵貨，但部分街坊似乎當區議員「萬能」，可以隨時搵到口罩派畀大家，... 詳情
【Emily】雖然老婆嫌少陪屋企 陳沛然：考慮競逐立會連任
【明報專訊】9月就係立法會換屆選舉，現任議員係咪尋求連任成關注。立法會醫學界議員陳沛然（Pierre）話，太太唔希望佢連任，但自己考慮緊競逐... 詳情
【明報專訊】今年嘅農曆新年遇上武漢肺炎，唔少新春團拜、活動都要取消。中聯辦亦喺網站發出公告，話因應新型冠狀病毒肺炎疫情防控工作要求，經研究後...
詳情
相關新聞
