【Emily】問有無登記做選民 葉劉幫襯 黃店截圖宣布

Top Blade Steak Lab喺facebook話上載閉路電視截圖，噚日新民黨主席葉劉淑儀（圖）去咗銅鑼灣店買外賣，仲問佢哋有冇登記做選民。（該店facebook圖片）

【明報專訊】反修例風波，抗爭者力推「黃色經濟圈」。「黃店」Top Blade Steak Lab喺facebook話，新民黨主席葉劉淑儀噚日中午去咗銅鑼灣店幫襯，又殺入廚房搵老細問有冇登記做選民。該店引述葉太聲稱「係幫個同事手」，因為啲同事驚黃色經濟，之後仲要搵佢哋個商業登記影相。葉太同Emily講，佢去幫襯餐廳唔會理顏色，只要唔係支持暴力就得，不過之後唔會再去幫襯呢間店，仲「嬲豬」咁話因為呢間舖頭擺佢上枱「抽佢水」。

話食嘢唔會理顏色

Top Blade Steak Lab喺fb上載閉路電視截圖證明葉太真係去幫襯，形容葉太喺老細口中知道呢間係黃色小店後「打個突」，之後急急腳走人。而舖頭為紀念葉太對黃色經濟圈嘅支持，決定將佢買外賣嘅現金化為愛心，全數捐畀網媒「立場新聞」。

葉太同Emily講，佢去買咗個牛油果漢堡包外賣，順便了解吓有幾多食肆做咗選民登記，係自己「得閒做吓survey」，影商業登記都係做個紀錄。佢話，當對方同佢講係黃店後，佢都有話想了解黃色代表乜嘢。對於該店將佢幫襯嘅94元捐畀「立場新聞」，葉太話自己唔支持「立場新聞」，批評佢哋唔同暴力割席，「寫好多嘢都係從示威者、暴徒角度出發」。

更多港聞

【Emily】學生會派「暴大段爸」揮春

【明報專訊】新春將至，又要貼上新揮春。去年底經歷激烈衝突嘅中文大學，近日校園回復生氣，中大學生會就趁新年向員生送上兩款自家設計嘅揮春，畫上校... 詳情

【Emily】「議會監察」促洗邋遢拆連儂牆

【明報專訊】大埔區議會前日通過動議，建議保留喺大埔墟港鐵站附近行人隧道嘅「連儂牆」。由民建聯區選落選人組成嘅「議會監察」噚日開記者會，批評連... 詳情

【Emily】加國波蘭領事廣東話拜年

【明報專訊】仲有兩日就係農曆新年，除咗香港人正落力辦年貨，唔少外國駐港總領事都入鄉隨俗，拍短片同大家拜年。加拿大駐港總領事館噚日上載賀年短片... 詳情

【Emily】鄧炳強去區會 前主席網上直播點評

【明報專訊】17個區議會由民主派主導，建制派各出其謀繼續議政，監察區議會。警務處長鄧炳強噚日出席荃灣區議會會議，建制網媒「港人講地」就邀請咗... 詳情

【Emily】油尖旺區會大會開足16.5小時

【明報專訊】油尖旺區議會日前開大會，破紀錄開咗16.5小時，由星期一（20號）早上10點，開到星期二（21號）凌晨兩點半。當區區議會副主席、... 詳情