• 2019.12.24
    星期二

【Emily】「曱甴喺正面去睇,係咪好有生命力呢?」 警民關係主任一炮而紅

[2019.12.24] 發表
警隊警民關係主任譚汝禧接受港台節目《鏗鏘集》訪問時話,市民毋須過分解讀警方稱示威者為「曱甴」一事。(港台截圖)

【明報專訊】反修例風暴中,不時有警員喺衝突現場叫示威者做「曱甴」,示威者就叫警員做狗,警民仇恨升溫。警隊警民關係主任譚汝禧接受港台節目《鏗鏘集》訪問時,就話市民毋須對一啲稱呼過分解讀,反問「曱甴喺正面去睇,係咪好有生命力呢?」

譚汝禧話相信同袍恪守專業,並履行警隊誓辭中「不對他人懷有惡意」,但目前警隊整體情緒係好失望同沮喪。對於屢有警員喺衝突現場叫示威者做「曱甴」,佢話:「曱甴當然你哋可能會諗係好差嘅比喻,但掉番轉頭去睇,曱甴喺正面去睇,係咪好有生命力呢?喺一個好逆境嘅環境裏面都可以生存」,認為市民毋須對一啲稱呼過分演繹或解讀。佢又話警方同事都畀示威者叫做「狗」,如果永遠都無限上綱上線演繹,「『狗』會唔會係話緊我哋同事好忠誠、好服從呢?」

唔少網民批評警方「合理化」用「曱甴」稱呼示威者,有人話如果用警方邏輯去諗,「網民起底都係想關心警察,公開個人資料都係為咗幫警隊宣傳」,認為警方毋須過分演繹。

郭嘉銓:用外號標籤人唔理想

警察公共關係科總警司郭嘉銓噚日喺記招被問到有關言論就話,佢無詳細睇內容,唔知說話嘅前文後理,但用任何外號同詞語標籤其他人都唔理想。佢話呢段時間,警民之間都有唔同情緒,希望大家多一份尊重同禮貌。

更多港聞
【Emily】聖誕卡送郭家麒 陳健民為警察起無明火
【明報專訊】科技進步,大家未必會再手寫聖誕卡畀親朋好友,但在囚者就只能靠書信同朋友聯絡,唔少泛民候任區議員近日發起「和你寫」,希望市民寫聖誕... 詳情
【明報專訊】商務及經濟發展局長邱騰華上星期二做facebook live同網民傾經濟,雖然當晚唔多人睇,但邱騰華評論「黃色經濟圈」,話以顏色... 詳情
【Emily】羅冠聰袁嘉蔚 結束5年情
【明報專訊】去咗美國進修嘅香港眾志羅冠聰噚日喺facebook話,已經同候任南區區議員袁嘉蔚(Tiffany)分手、結束5年感情。兩人喺20... 詳情
【Emily】海關新截擊艇 45分鐘趕到全港任何水域
【明報專訊】海關過去一年以約8000萬元引入4艘瑞典專家設計、山東製造嘅高速截擊艇,取代4艘已用16年嘅同類船艇。4艘截擊艇分別喺5月同上周... 詳情
【明報專訊】今日平安夜,唔少人會開party,唔多唔少會留低垃圾,例如紙包飲品盒,其實可以回收。綠色力量2016年起喺學校、酒店、主題樂園同... 詳情

明報網站 · 版權所有 · 不得轉載
Copyright © 2019 mingpaocanada.com All rights reserved.
Ming Pao Daily News A wholly owned subsidiary of Ming Pao Enterprise Corporation Ltd.
Vancouver Chinese Newspaper

5368 Parkwood Place, Richmond B.C. V6V 2N1 | Tel.: (604) 231-8998 | Fax: (604) 231-9881/9884 | Advertising Hotline Tel.: (604) 231-8992