【Emily】區軒范國威議席 終院今定奪 參與民主運動「心不變」
[2019.12.17] 發表
【明報專訊】香港眾志周庭同劉頴匡就去年3月立法會補選提出嘅選舉呈請案先後獲判勝訴，分別令循補選晉身立法會嘅區諾軒(區軒，圖左)及范國威(Gary，圖右)被裁定非「妥為當選」，二人提出上訴，今日終審法院將定奪兩人議席能否保住。Gary同區軒噚日同傳媒茶敘，Gary話對於判決抱審慎態度，結果難料；補選中作為周庭「Plan B」嘅區軒話，司法公義要追尋，「DQ」唔公義，反問點解一個政府嘅失誤，導致勝訴者、勝選者同選民都利益受損。
區：同區會新人分享經驗
范：與泛民並肩與有榮焉
兩人本身都係區議員，區軒話無論判決結果係點，參與民主運動嘅心永遠唔會變，包括向新當選嘅民主派區議員分享經驗，令市民睇到民主派執政係有視野同承擔。Gary話佢會繼續同民主派政黨、素人有不同協作，喺區議會改革方面「唔係老鬼講晒」，佢哋只係民主派嘅侍工。
Gary話，入到議會後同其他民主派一齊打「一地兩檢」、「國歌法」同修訂《逃犯條例》等重要戰役係與有榮焉，無諗過會發展成咁大嘅民主運動；但若失去議席，佢提出用特權法調查警暴嘅動議就不能提出，會係一個遺憾。
至於明年立法會會否參選，Gary話會積極考慮；區軒指有傳媒報道佢想完成博士學位，但事實上「十畫都未有一撇」，佢連名都未報，話「不如考慮咗眼前嘅狀况先」。
更多港聞
【Emily】再次外國賣廣告 港府9F重申自由
【明報專訊】反修例風波令外國關注香港嘅自由同民主情况，港府最近3個月以來第二次喺境外報章登廣告，重申香港仍然保持自由同穩定。喺當地時間星期一... 詳情
【明報專訊】立法會保安事務委員會噚日終於選出副主席，民主黨涂謹申競逐連任，不過最後得12票，被獲建制派支持、取得22票嘅新民黨容海恩（Eun...
詳情
【明報專訊】反修例風暴下，唔少大型演唱會都取消，但本周六晚上，喺尖沙嘴文化中心會有一場大型演奏及演唱會舉行，參演者包括立法會前主席曾鈺成、經...
詳情
相關新聞
