【Emily】候任區議員被指吸毒 誠邀驗髮

【明報專訊】區議會選舉後，網上出現唔少針對當選人嘅謠言，喺北區清河當選嘅註冊社工袁浩倫(海袁)，就被謠傳係隱君子。曾任職戒毒社工嘅海袁面對抹黑都相當大方，話要知一個人有冇吸毒，可以拎頭髮去驗，誠邀造謠者搵佢驗頭髮。

海袁噚日喺fb澄清，話網上話佢吸毒嘅相，係當日佢喺點票站監票時被拍，其後造謠者話佢係「道友」等等，認為唔可以放任搬弄是非。海袁提到，可以透過頭髮驗一個人有冇吸毒、邊個時段吸過毒，自言頭髮成年冇剪過，誠邀造謠者同佢一齊拎頭髮去驗，「如果呈陽性反應，我就畀番驗頭髮啲錢，再加公開承認；如果陰性反應，就你畀驗頭髮錢，再加我告你誹謗同向你追討詆譭我嘅賠償。」。

做過3年戒毒社工

海袁話做過3年戒毒社工，「嗰3年每日放工都從戒毒中心走出來」，佢強調吸毒唔代表係壞人，只喺依賴毒品去麻醉自己，又話認識嘅吸毒者九成都係好人，部分只係講嘢較大聲，希望大家有機會可以了解吓佢哋嘅內心世界。

更多港聞

【Emily】肥老闆疑似被家暴 澄清係剝牙

【明報專訊】金融服務界議員、經民聯張華峰（肥老闆）畀人發現左邊下巴腫咗，仲有一大撻瘀黑色，好似畀人襲擊咁。黨友林健鋒講笑話因為張太識「右勾拳... 詳情