【Emily】贏梁福元父子 素人冀區會設7?21調查組
[2019.11.29] 發表
【明報專訊】區議會選舉民主派大獲全勝，本身民主派只得5席嘅元朗區，其議席亦大增至33席，奪得過半優勢。作為7．21無差別襲擊事件嘅事發現場，喺十八鄉西擊敗鄉事派梁福元嘅司徒博文，以及喺十八鄉中擊敗梁福元兒子梁明堅嘅方浩軒，噚日就話調查7．21事件係首要區議會工作，希望可以喺區議會設7．21調查工作小組。
司徒博文噚日喺商台節目時話，最初認為對手梁福元係鄉事派重量級人物，研判當選機會微，參選旨在令選民有得揀。方浩軒就話本身家住當區，區內有好多新屋苑，認為唔應該只得鄉事聲音。方浩軒提到，要有安心嘅社區先可以講其他建設，形容有啲村民好無辜，即使事件發生喺佢哋村落附近，但唔代表係佢哋問題，所以希望還原真相、令大家安心，無辜村民亦唔好再被標籤。
喺十八鄉東當選嘅李俊威亦話，村內有居民唔知發生咩事，就被人話係「鄉黑」，形容對佢哋唔公道，所以7．21事件需要追究、釐清責任。
翻查資料，元朗區議會曾經於9月討論7．21事件，當時已經有議員要求成立獨立調查委員會，但因元朗區議會只得5席民主派，有關動議結果遭過半數區議員反對。
更多港聞
【明報專訊】綽號「光頭警長」嘅警署警長劉澤基喺微博嘅言論不時惹火，前日立法會議員田北辰不點名批評有公務員造謠生事、增加兩地矛盾。二人噚日隔空...
詳情
【明報專訊】區議會選舉落幕，不論泛民、建制派都有人喺選舉中投訴過程混亂，亦有選民話明明未投票，但去到就被票站職員指已投票。
立法會噚日...
詳情
適齡中六人口續跌 教局公布自資院校收生 恒大新生升六成 副校長料正名效應
【明報專訊】適齡中六人口持續下跌。據教育局提供自資院校本學年收生數字，部分院校收生較少，如香港能仁專上學院全校新生僅取錄32人。亦有院校收生... 詳情相關新聞
