【Emily】手寫政綱波衫相 陳梓維勝葉傲冬成熱話
[2019.11.27] 發表
【明報專訊】民主派喺區選中大勝，連油尖旺區議會主席、民建聯葉傲冬都落馬，以65票之差輸畀民主動力陳梓維。有網民睇番27歲嘅陳梓維嘅政綱，發現佢手寫政綱，字體好有童真，仲戰勝葉傲冬，成為網民熱話。有網民讚「手寫先真心」，連台灣討論區都有人留意到，仲問：「如果今天擺一顆西瓜，能夠上嗎？」
睇番陳梓維喺區議會選舉網站嘅選舉信息，佢報稱係學生同社區幹事，政綱中喺每個重點前畫上星星，內容強調要「爭取成立8月31日太子站還原事件真相工作小組」。有網民稱讚「手寫先真心」，仲話佢啲政綱簡明扼要，但有啲人就質疑陳其實係咪到場報名先寫落去。社民連吳文遠喺facebook更形容「陳梓維係我嘅偶像」，指陳勝選仲勁過4年前傘兵徐子見打敗民建聯鍾樹根。喺選舉信息嘅個人照片，有網民仲留意到陳梓維著住件波衫影相，而葉傲冬就西裝骨骨，有網民取笑話：「著波衫選都贏你(葉傲冬)！」
更多港聞
【明報專訊】立法會議員何君堯喺區選落敗後，有人專登去佢嘅辦事處開香檳慶祝「何已完」。佢前晚喺facebook直播，話有關行為應該係驚佢輸得唔...
詳情
饒宗頤的故事展最後書法 文化博物館舉行 復刻迷你版「心經簡林」
【明報專訊】有人曾說：「香港有了饒宗頤，便不再是文化沙漠。」國學泰斗饒宗頤（饒公）去年2月與世長辭。康樂及文化事務署與香港大學聯合主辦「饒宗... 詳情
【明報專訊】香港學校音樂及朗誦協會（下稱協會）月中起宣布取消「第71屆香港學校朗誦節」部分賽事，而且不會退款，估計涉款總額達千萬元，惹學界不...
詳情
相關新聞
