【Emily】泛民「黑仔王」莊榮輝5戰5敗
[2019.11.26] 發表
【明報專訊】唔少政治素人初試啼聲就成功當選，但亦有候選人屢敗屢戰、屢戰屢敗，有「地獄黑仔王」之稱嘅民主黨中委莊榮輝，自2003年起一直參選區會，但每次都同議席擦身而過。今次係佢第5屆參選，並由過去4次出戰嘅中西區，轉戰西貢區都善選區，雖獲民主動力推薦，但就同將軍澳民生關注組嘅李栢棠撞區，最終該區由專業動力嘅張展鵬當選，令莊榮輝連續5次飲恨而回。
民建聯社區主任黃才立亦屢敗屢戰，佢過去先後3次參選南區黃竹坑、華富二及華富北選區，全部敗陣，今屆佢轉去參選華富南選區，對手係民主黨社區主任黎熙琳。黎熙琳係第3次參選華富南，過去兩屆參選都落敗，最終佢以3121票擊敗拎到2478票嘅黃才立當選。
民建聯梁嘉銘第4次參選，過去3次挑戰葵青興芳選區都落敗，今屆轉戰盛康選區，面對民主派趙寶琴挑戰，最後梁嘉銘以3531票勝出，較趙寶琴嘅3417票多114票，成功承接爸爸梁偉文嘅議席。
更多港聞
【明報專訊】香港學校音樂及朗誦協會（下稱協會）早前宣告取消部分「第71屆香港學校朗誦節」賽事，稱是考慮社會不明朗情况和參與者安全等，按機構通...
詳情
【明報專訊】香港學校音樂及朗誦協會（下稱協會）網頁指出，協會於1940年成立，1975年獲批准註冊為無股權的非牟利有限公司。本報翻查協會最新...
詳情
相關新聞
