【Emily】深水埗「原居民」 退選再轉區參選

【Emily】深水埗「原居民」退選再轉區參選

[2019.10.21] 發表

【明報專訊】區選提名期上周四結束，當晚選管會話共接獲1104份提名表格、6份退選通知書，不過其實退選嘅只得5人，因為其中一名參選人「彈出彈入」，退選後再轉區參選。律師李穎彰本月11號報名參選深水埗寶麗選區，但15號突然退選，16號再報名參選深水埗美孚北選區，非常奇怪。Emily 噚日聯絡李頴彰，但截稿前未有回覆。

李穎彰近日落區宣傳時強調，自己係獨立參選人，主打「深水埗原居民真關心做實事」。深水埗原來都有原居民，Emily 都真係第一次知。

報稱獨立曾係張國鈞合伙人

李穎彰有自己嘅律師事務所，曾經係張國鈞楊煒凱律師事務所嘅合伙人。根據2014年嘅新聞報道，李穎彰曾經擔任保健海流協進會律師顧問團成員，呢個協進會當年大力反佔中，仲有份去慰問警方。

美孚北選區其他參選人包括深水埗區議會主席張永森嘅助理羅小燕，同埋公民黨李俊晞。