【Emily】何君堯議辦再被毁 保險唔肯承保
[2019.10.05] 發表
【明報專訊】《禁蒙面法》一出，爭議四起，呼籲政府訂立禁蒙面法嘅建制派立法會議員何君堯，最近亦有唔少言行惹起部分市民不滿，辦事處多次畀人衝擊。何君堯噚日就喺facebook話「可能有暴徒把禁蒙面法，又遷怒我的團隊，昨晚(前晚)我位於良田村的辦事處，又遭受第三次刑事毁壞！」佢話辦事處嘅監控設備、窗口同大門都被破壞，𠵱家連保險公司都唔肯承保咁話，佢呢次要向保險公司爭取先得喇。
未爭取到受保，有啲嘢何君堯就「成功爭取」咗喇。噚日政府召開記者會宣布推出禁蒙面法之前，何君堯率先預言個法例會出台，又話希望再有其他措施「止暴制亂」。
更多港聞
相關新聞
