【Emily】真清潔活動 同何君堯劃清界線
[2019.09.18] 發表
【明報專訊】立法會議員何君堯近日發起9．21總動員18區「清潔日」，令到另一團體發起嘅9．20「齊清潔 愛香港」運動受累，要急忙同何君堯劃清界線，話明「齊清潔」只係搵義工去掃街執垃圾、杜絕鼠患，絕對唔係去搞反修例「連儂牆」或涉及任何政治，希望市民或反修例示威者千祈唔好混淆兩者。
「齊清潔」運動發起人楊振耀同Emily訴苦，話佢哋好多個月前已籌辦清潔香港活動，事緣香港早前發生多宗人類感染大鼠戊型肝炎個案，而唔少後巷橫街衛生惡劣，又少人處理，於是發起民間清潔活動，喺18區搵義工協助清理，仲一早揀定9月20日做活動啟動儀式。點知何君堯近日發起9月21日「清潔日」，結果唔少人問佢兩者係咪相同，更有義工都以為自己要去幫何君堯清理連儂牆。
楊振耀話唔想義工擔驚受怕，亦好怕市民誤會引嚟問題，故聲明「齊清潔」與何君堯毫無關連。
掃街杜絕鼠患 多月前籌辦
楊振耀又話會安排義工去指定地點清潔，只會處理地上垃圾，唔會掂連儂牆或任何政治活動嘅物件，義工會著上佢哋派嘅綠色tee，希望大家見到佢哋嘅清潔隊伍都會善待同支持，佢哋唔搞政治，只係一齊為香港做好事。
更多港聞
【Emily】行會成員評分見新低 湯家驊跌21分最多
【明報專訊】香港民意研究所噚日公布，市民對多名行政會議成員支持度大跌，排名頭5位嘅任志剛、葉劉淑儀、張宇人、羅范椒芬同湯家驊，平均分得30.... 詳情
【明報專訊】紅磡有港鐵列車出軌，內地央視新聞亦喺微博發帖，話涉事列車斷為兩截，車門飛脫，乘客要落車疏散。報道引嚟內地網民熱議，有網民認為係「...
詳情
相關新聞
