【Emily】16小時工夫 木製入閘機現中大 製作同學盼大家多關心港鐵事
[2019.09.13] 發表
【明報專訊】反修例風波下，唔少網民近日不滿港鐵，發起「跳閘」行動；Emily噚日路過中大，喺文化廣場見到有部1比1嘅木製入閘機，唔少同學圍住熱議，有人即場試用。入閘機係有同學自發製作，並將製作剪輯成影片，片中同學提到自己好鍾意呢啲入閘機，又見到特首林鄭月娥咁關心入閘機受損，所以決定整番部，強調完全唔鼓勵任何人做犯法嘢。佢約花咗16個鐘製成，話呢部機好安全，例如入閘位用海綿棒整成，撞到都唔怕受傷。呢位同學同Emily講，仲有其他朋友仔幫手一齊整。佢話呢部入閘機係一件藝術品，最主要係希望大家可以多啲關心近日喺港鐵發生嘅事。
入閘機有部iPad mini，會播放一啲有關港鐵嘅片段等；大家亦可於機身貼Memo紙寫低心聲。
民女被塗污 今籲同學齊清潔
另外，中大大學站旁嘅民主女神像背部被塗污，中大法律反送中關注組強烈譴責，並呼籲同學今朝一齊幫手清潔民女，話要還民女一個乾淨嘅八月十五。
更多港聞
【Emily】彩雲三校人鏈 師兄弟帶埋「區軒」
【明報專訊】近日先後有多間中學嘅學生、校友喺學校外組人鏈，高呼「五大訴求，缺一不可」等口號，展示抗爭意志，唔少政界中人都會返母校參加。港島立... 詳情
教師反修例事件壓力源 87%稱政府 三成指何君堯
【明報專訊】反修例爭議波及學界，部分學生校外築人鏈，在校罷課、叫口號等表達訴求。教育專業人員協會調查指出，反修例事件中，受訪教育工作者最大壓... 詳情
【明報專訊】去年成立的專上院校耀中幼教學院，新校長袁海球本學年上任。他稱，學院的重點項目是「Pamela Peck Discovery Sp...
詳情
相關新聞
