【Emily】連續兩天「太平」 阿sir記招停一日
[2019.09.12] 發表
【明報專訊】反修例示威活動頻繁，令佔中時首次出現嘅警察4點鐘記者會由上月5日開始「復活」，逢周一至周五都有，超過5星期無間斷舉行；噚日警方突然話唔開，搞到各方都覺得好奇怪，呢個特首下達嘅任務，警方點解會唔執行呢？
上周已醞釀開休業先例
Emily聽講，警方記者會噚日之所以休業，係由於之前兩日「天下太平」，周一及周二連續兩天示威者都無暴力衝擊行動、無大型拘捕行動，亦無公眾關注嘅調查事件，所以就由高層首肯畀兩名4點鐘阿sir休息一天，一眾記者都可乘機唞吓氣。話說警方內部上周已醞釀開休業先例一兩天，但太子港鐵站及旺角警署不斷聚眾及有嚴重衝突，最終記者會休業無法成事。
但Emily想唔到警察停開PC一天都會被假新聞利用，有人將警方記者會休業一事，同「政府會喺下晝4點回應更多反修例訴求」嘅假新聞連埋一齊，惹來疑雲陣陣。警方約5點要喺facebook發帖，解釋記者會舉行目的係就過去24小時或周末發生過嘅重要事件，或未來公眾活動安排，透過傳媒向市民發放有關資訊，及回應相關提問；又話警方會按需要繼續適時舉行4點鐘記招。
更多港聞
【明報專訊】過去兩日親建制報章報道話有「暴徒」揚言噚日要發動恐襲，話「911必定有重大傷亡」，又話要襲擊黃大仙紀律部隊宿舍，英文官媒亦喺社交...
詳情
興德目標明年改校名 本學年少一班小一 新校長：有信心再起步
【明報專訊】曾捲入「影子學生」醜聞及爆出校內行政混亂等問題的興德學校，本學年由資助小學校長會前主席賴子文接手當校長，他稱學校本學年開3班小一... 詳情
【明報專訊】學生關心反修例風波下的校方取態，公開大學學生會昨舉辦「與校長對話」論壇，校長黃玉山席間提及，支持同學關心社會，參與和平理性示威，...
詳情
相關新聞
