【Emily】去年全港棄193萬個月餅 升近倍
[2019.09.05] 發表
【明報專訊】下周五中秋節，唔少人都會買月餅送禮或自用，綠色力量噚日公布調查發現，去年全港棄置193萬個月餅，較前年97萬個上升約1倍；去年用熒光棒嘅受訪家庭創新高，佔四分之一，估計全港家庭去年中秋節丟棄咗4430萬支熒光棒。
1/4家庭仲用熒光棒
調查分兩次做，首次於去年中秋節3個月後，第二次於今年中秋前1個月做，分別收回332及342份問卷。結果顯示，40%受訪者因為「過期」而丟棄月餅；35%因「味道不佳」而丟棄；有約55%受訪者唔鍾意獲贈嘅月餅，所以棄掉。近三成受訪者預計今年會收到較實際需要多嘅月餅，預料今年浪費月餅情况仍嚴重。
綠色力量自2004年起，每年都會以街頭問卷形式了解市民慶祝中秋節嘅消費行為，結果令人意外，近年呈下降趨勢嘅棄置月餅量，去年較前年大幅反彈上升約1倍，綠色力量高級保育經理呂德恒話，去年月餅銷量持續上升，估計市民家中囤積太多食唔晒嘅月餅，結果擺到過期，被迫丟棄。佢呼籲市民及早食用或轉贈有需要嘅人，既可表達心意，又唔使做大嘥鬼。
更多港聞
前日救恩生聲援何中遭警撲跌 何中生反聲援 救恩外默站
【明報專訊】新學期至昨日已開學3天，罷課潮繼續蔓延學界。前日有大埔救恩書院中三男生聲援鄰校孔教學院大成何郭佩珍中學（何中）時，被警員撲跌，男... 詳情
【明報專訊】聖安當女書院在新學年推「操行評分制」，按學生違規行為或表現加減分數，得分會影響升班。逾百名學生及舊生不滿校方無諮詢，昨早在操場集...
詳情
相關新聞
