【Emily】路線分歧 沙田區議員退出新同盟
[2019.09.02] 發表
【明報專訊】沙田區議員李世鴻(Raymond)噚日宣布退出新民主同盟，退黨信提及同新同盟路線有分歧、免得個人行為影響組織形象；又提到近日反修例風波，強調對任何抗爭者嘅行動都要予以理解，不埋怨、不指摘、不割席，履行應有之義，因此佢多次喺地區警民衝突中履行議員職責、到場調停。Raymond接受Emily查詢時，無點明同新同盟有乜路線分歧，只係話如果有政黨背景在身，好多嘢會有顧忌。
Raymond話考慮退出係近兩個月嘅事，至於會唔會加入其他政黨，佢話自己出身社運圈，想法有時未必容易喺政黨中被接納，所以應該唔會入其他黨。11月底就係區議會選舉，會唔會擔心失去黨嘅支援對選情不利？佢就話冇乜太多呢啲考慮。
更多港聞
【明報專訊】反修例風暴吸引世界各地記者嚟香港採訪，《環球時報》總編輯胡錫進近日亦來港觀察。不過，《環時》周六晚誤報香港眾志秘書長黃之鋒因「參...
詳情
相關新聞
