【Emily】袁彌昌辭智庫 葉劉：係我炒佢
[2019.08.29] 發表
【明報專訊】匯賢智庫政策顧問袁彌昌呢排喺反修例運動上成日表態，仲聯署要求撤回修例，同太太、新民黨立法會議員容海恩立場好唔同，袁彌昌噚日同Emily講，佢8月初已經向匯賢智庫主席葉劉淑儀提出請辭，一來唔想令老婆同葉太尷尬，二來亦因為智庫嘅工作停頓。不過，一手招攬袁彌昌、可以話係袁氏夫婦媒人嘅葉太噚日話，「係我炒佢(袁彌昌)嘅，佢做唔到嘢」，又話同袁彌昌喺反修例運動上嘅立場無關。
究竟實情係點？袁彌昌話，月初同葉太傾智庫嘅工作時大家好平和，因為修例風波，令原本想做嘅國民身分認同研究停頓咗，主要係因為冇嘢做，所以大家和平「分手」。智庫仲有兩名下屬同袁彌昌一齊走，葉太好激動咁同Emily澄清，另外兩個員工走係因為私人理由，唔係因為政治環境，智庫會繼續請人。對於袁彌昌嘅評價，佢話唔想再講，因為唔想唱衰人。
另兩人離開 葉劉話無關反修例
就葉太批評袁彌昌做唔到嘢等等，袁彌昌就話唔會怪葉太。袁彌昌喺facebook話「其實阿太平時對我哋好好嘅，係個好上司嚟，不過佢又真係好有性格，可能呢排心情唔好啫，唔好怪佢」。
更多港聞
【Emily】尖沙嘴中秋光影展 玉兔圓月掛外牆
【明報專訊】仲有大約半個月就係中秋節，康文署聽日起到9月22號，喺尖沙嘴文化中心露天廣場展出互動光影裝置「非常月滿」。呢個裝置作品將圓月、玉... 詳情
【Emily】提施政報告 羅致光由細個行路放學講起
【明報專訊】政府正就新一份《施政報告》諮詢公眾，諮詢facebook專頁近期陸續上載局長短片宣傳，噚日勞工及福利局長羅致光（CK）先分享個人... 詳情
【明報專訊】馬會噚日公布2018/19年度業績，投注總額高達2475億元，較上一年度上升5.8%；當中單係賽馬投注額就有1250億元，足球投...
詳情
【Emily】李嘉誠捐5億 科大建合成生物學研究院
【明報專訊】科技大學獲李嘉誠基金會捐贈5億元，建立本港第一個「合成生物科技」研究平台，命名為「李嘉誠合成生物學研究院」，希望透過研究合成生物... 詳情
【Emily】fb專頁講區選 頭像用學者王慧麟
【明報專訊】距離區議會選舉不足3個月，唔少考慮參選者陸續浮面，爭取街坊支持。近日facebook出現一個名為「大佛我飛佛」嘅專頁，頭像係港大... 詳情相關新聞
