【Emily】留港貢獻穩住局勢 人代團唔去新疆睇「再教育營」
[2019.08.17] 發表
【明報專訊】港區人大代表原本周四(15日)啟程去新疆考察9日，行程包括參觀新疆「再教育營」，但噚日守護香港大聯盟舉行記招講今日嘅集會，包括全國人大常委譚耀宗、港區人代陳勇、吳秋北等都有現身，原來佢哋無去到新疆。有港區人代同Emily講，因為反修例風波仲未平息，所以個考察團取消咗。
Emily問過團長馬逢國，佢話考察團只係推遲，唔係取消，至於幾時再起行就未有定案。
團長馬逢國：唔關敏唔敏感事
馬逢國話推遲考察團係綜合考慮，主要係由人大秘書處聯絡局決定，因為呢段時間起行未必係適當時候，團中好多人都係香港意見領袖，而家香港局勢唔穩定，佢哋要留港「發揮作用」。
佢又話，港區人代中都有好多社團領袖，呢排要搞集會等，所以要留港去唔到，有人要請假、有人要遲到早走、有人覺得為難。
至於係咪同參觀「再教育營」太敏感有關，馬逢國就話參觀教育營同香港無關，所以唔係敏唔敏感嘅問題。
更多港聞
【Emily】劉江華：躁動香港要有盂蘭勝會精神
【明報專訊】香港嘅盂蘭勝會喺2011年列入咗國家級非物質文化遺產名錄。香港潮屬社團總會今年繼續喺維園舉辦2019盂蘭文化節，當中有好多精彩節... 詳情
【Emily】警出防激光指引 隻字不提「雷射槍」
【明報專訊】浸大學生會會長方仲賢之前去鴨寮街買激光筆畀差人拉，公眾先知呢樣嘢喺警察眼中係屬於攻擊性武器嘅「雷射槍」。Emily獲得一份警隊行... 詳情相關新聞
