【Emily】林鄭「粉身碎骨」論再惹考究熱議
[2019.08.14] 發表
【明報專訊】特首林鄭月娥近期不時引用成語評論反修例運動，繼上月形容修例工作「壽終正寢」、本月初批評部分示威者要將香港「玉石俱焚」後，噚日反問大家係咪忍心將香港推向「粉身碎骨」嘅深淵。此語一出即引嚟網民熱烈討論，有人引用林太之前言論，自嘲示威者喺社會無位置(no stake)，何德何能令社會粉碎呢；有人就以古詩比喻，話粉身碎骨都可以代表不怕犧牲嘅堅貞決心。
網民引于謙詩明志
有網民引用明朝詩人于謙嘅《石灰吟》，話呢首詩係表達不怕犧牲、堅守情操嘅決心，同時亦係示威者心聲：「千錘萬鑿出深山，烈火焚燒若等閒。粉骨碎身全不怕，要留清白在人間」。呢首詩嘅意思，係石頭經過多次撞擊才獲開採，經烈火焚燒係平常事，不懼粉身碎骨，但求將清白留在人間。
有人批「產業單一早推港入深淵」
有網民批評林太先係將香港推向粉身碎骨嘅人，為咗個人同中央面子唔肯講撤回修例，反問面子係咪比香港更重要。另有網民就闡述社會問題，話香港「產業單一、樓價極高、只靠大陸」，早已將香港推向深淵，寄語批評示威者嘅人唔好咁短視。
更多港聞
【Emily】籲與示威者理性討論 陳健波：勿講粗口
【明報專訊】反對《逃犯條例》修訂嘅示威遍地開花，京官都呼籲建制派要多發聲搶輿論，立法會保險界議員陳健波噚日就呼籲大家唔好做「鵪鶉」，係時候出... 詳情
【明報專訊】九巴舊年開始推出月票，吸引唔少乘客使用，𠵱家每個月大概賣出1.6萬張，最近仲新增咗喺App內購買月票嘅功能，不過九巴似乎都想再...
詳情
相關新聞
