【Emily】迪士尼工會30人 樂園外集會
[2019.08.06] 發表
【明報專訊】反修例者噚日發起罷工，除咗7區有集會，連迪士尼都見到罷工集會嘅蹤影。噚日迪士尼門口外面就有香港迪士尼樂園職工會嘅人響應罷工呼籲，約有30人集會。
集會由中午至下晝5點，工會主席鄭麗兒其後返工，其間同Emily傾咗幾句，話覺得用職工會名義，真係罷工形式走出來，比起呢30人分散去不同集會，迴響同效果都更大。鄭話呢班罷工同事大多來自娛樂部，其餘每個部門都有少少。佢哋主要都係坐低叫叫口號、講解一下自己理念，旅客經過大多望一兩眼，好少話會真係行近了解發生咩事。對於有菲律賓籍員工被捕，鄭麗兒話聽講該人有搵律師，都通知咗領事館，現階段工會可以幫佢做嘅嘢唔多；又話會等呢個同事出番嚟，再睇佢有無咩需要。
更多港聞
相關新聞
