【Emily】阿廷元朗遇指罵無勞氣 15分鐘化躁叔為支持

民主黨林卓廷（左）喺元朗遊行被大叔（右）指罵，阿廷花咗15分鐘解釋大家點解要遊行，最終大叔認同阿廷講法，更拍佢膊頭話支持佢。（短片撮圖）

【明報專訊】修例風波引發社會矛盾，唔同派別議員現身公眾地方時，都不時引嚟另一方支持者當面痛斥。民主黨林卓廷上月28日出席元朗遊行，抗議白衣人襲擊巿民事件，其間就遇到中年男指罵，對方更一度講粗口，批評遊行令元朗變死城。阿廷無勞氣，反而耐心咁花咗15分鐘解釋事件來龍去脈，最終呢個市民認同阿廷講法，更拍佢膊頭話支持佢，相當和諧、融洽。

林卓廷噚日喺facebook上載短片，並key上「阿叔好與壞，在乎溝通與關懷」。片中嘅中年男士見到阿廷，上前鬧佢話遊行令元朗好多商舖要落閘，居民生活唔到。

阿廷解釋遊行係因警察喺「元朗黑夜」無保護市民，令黑社會可以打市民，又舉例有警員同手持武器者「拍晒膊頭(都)唔拉人」。呢位市民最後認同阿廷講法，喺遊行者掌聲稱讚下離去。

不過，相信阿廷無論點講，都未必可以說服前特首梁振英(CY)。CY噚日一日內喺fb貼逾10個帖文評論反修例活動，其中一個帖文附上阿廷前晚聲援示威者時，著上印有「USA(美國)」字樣上衣嘅相片，形容「背負美國旗和USA三個字母的林卓廷參加包圍沙田警署」。

CY質疑著「USA」上衣

阿廷：領導人好得閒、得啖笑

阿廷形容CY「好得閒、得啖笑」，話對方作為國家領導人，居然得閒理佢件衫有咩圖案，呼籲CY唔使咁敏感。

更多港聞

【Emily】話民主思路移向建制 宋恩榮退出

【明報專訊】由行會成員湯家驊（Ronny）創立嘅智庫民主思路近期「地震」，多名核心成員因不同理由離開，聯席召集人、學者宋恩榮噚日亦喺face... 詳情

【Emily】隔海公僕集會 林鄭赴國慶酒會

【明報專訊】近日每當傳出特首林鄭月娥會現身嘅場合，都有示威者一早到場，過去多次活動，林太都喺最後一刻甩底，噚日有公務員喺中環發起集會，同一時... 詳情

【Emily】被控暴動情侶 手寫信報平安

【明報專訊】今個周三提堂、被控暴動罪嘅44人之中，包括一對將會喺聽日結婚嘅情侶，有網民擔心佢哋又要結婚又要打官司，就想喺佢哋個婚禮度擺低啲人... 詳情

【Emily】實惠一連三日派包 網民讚高章

【明報專訊】反修例運動遍地開花之時，早前傳出有參與者太投入，搞到冇錢開飯，有市民爭相捐助支持。另邊廂，家具店實惠亦從噚日開始，一連3日喺全港... 詳情