【Emily】「國家最緊要」莫錦貴撐警應更強硬
[2019.07.24] 發表
【明報專訊】近日因修例風暴引發多場衝突，包括沙田新城市廣場警民衝突。沙田鄉事委員會噚日舉行執委會就職典禮，大家致辭時都關心近日事件，沙田鄉委會主席莫錦貴致辭時話，有人將「示威人士擺上枱，進行暴力行為」，又有人侮辱、粗暴對待警方。佢警告，萬一警方退後，香港不堪設想，變成「無政府狀態」；佢支持香港警方更強硬，又話若喺外國出現呢啲情况，「個個中槍倒地，點會係(用)橡膠子彈」。莫錦貴仲話國家最緊要，仲要「比父母更緊要」。
中聯辦新界工作部長李薊貽(薊粵音讀計)、新界鄉議局主席劉業強、沙田民政專員陳婉雯等有出席典禮，陳婉雯話近日出現嘅衝突場面令人難受，希望大家盡快回復日常生活，咁先有冷靜腦筋解決面前難題，又祝香港同沙田「家和萬事興」。
更多港聞
相關新聞
