民記「反暴力」惹狙擊 網民叫公開街站時間表

民建聯一連兩日喺fb出post譴責有人滋擾佢哋街站，惹嚟成萬個留言，有網民問「市民前來表達對你哋嘅意見，又點解唔得呢？」（民建聯facebook）

【明報專訊】修訂《逃犯條例》爭議持續，有示威者7月1日闖入立法會抗議，建制派近日喺地區收集簽名譴責暴力衝擊立法會。民建聯元朗區議員馬淑燕同社區幹事司徒駿軒前晚喺天耀邨擺街站收集簽名，結果同反對修例嘅示威者衝突，民建聯一連兩日喺facebook出post，譴責有人滋擾佢哋嘅街站。

話示威者不停辱罵 唔係講逃犯例

司徒駿軒前晚率先喺fb做live講述事件，話街站開始咗個幾鐘後，有三四層示威者圍住佢哋叫囂、鬧民建聯「無恥」。佢話示威者不停講辱罵字眼、擾亂秩序，並唔係講逃犯條例，佢認為呢啲唔係言論自由嘅表達，對事件感遺憾。

民建聯噚日再發聲明譴責，話有熱心途人拍攝示威者滋擾過程，因而被誤以為係街站義工，遭到襲擊，嘴角受傷；另亦有義工喺混亂中受傷， 最終佢哋要報警求助。

民建聯喺fb發聲明後，引嚟大批網民留言話「支持民建聯提供街站時間表，方便市民發表意見，祝君平安」。至於佢哋前晚「譴責滋擾街站」嘅帖文就有多達1.1萬個留言，有網民反駁話市民都係去表達意見；有人質疑民記唔准人表達唔喜歡佢哋嘅意見係偏聽，亦有人留言「支持」民記擺多啲街站。

更多港聞

應付反修例示威 警員最多補水 120小時

【明報專訊】警方為應付反對修訂《逃犯條例》示威啟動嘅「踏浪者行動」尚未結束，Emily聽聞警隊已經為超時工作同事安排補水，近日出通告話由6月... 詳情

點燭唱歌流動連儂牆?齊抗低氣壓

【明報專訊】反對《逃犯條例》修訂爭議令社會瀰漫一股低氣壓。一班北區教區牧者噚晚喺粉嶺嘉福邨發起「一個都不能少」祈禱會，悼念早前墮樓離世嘅21... 詳情

阿廸發動致函運署 跟進其他巴士線

【明報專訊】反對《逃犯條例》修例示威者6月21日包圍警察總部至翌日凌晨，九巴當時開出特別班次104R線，由警總外軒尼詩道往旺角，運輸署之後要... 詳情

卸任駐港總領事 唐偉康拍片道別

【明報專訊】卸任在即嘅美國駐港澳總領事唐偉康，噚日喺領事館facebook專頁上載短片，同大家講再見（圖）。2016年就任嘅唐偉康，特地去到... 詳情