之鋒復出遊行 嗌咪獲和應
[2019.07.02] 發表
【明報專訊】民陣6月9日同16日先後舉行兩次反修例遊行，大會分別話有103萬及200萬人參與，不過部分社運人士，好似佔中9人案被判囚被告，同埋香港眾志秘書長黃之鋒因身在監獄，只能透過電視報紙關心遊行。
話要贏得比03年更徹底
其中黃之鋒早前出獄，噚日可以現身遊行人群中，Emily喺銅鑼灣怡和街見到佢嗌咪，佢鼓勵遊行嘅市民，話希望今次比2003年贏得更徹底嘅勝利，要避免更多人遭受監禁嘅恐懼，唔少人拍掌支持同呼應。
上月18日刑滿出獄嘅之鋒話，遺憾去唔到兩次百萬人遊行，坐牢感覺唔好受，噚日終有幸同大家並肩作戰。佢向遊行市民話，政府一日唔撤回修例、律政司長鄭若驊唔下台，只會有更多人遭受牢獄之災；又話愈多人上街愈可製造民意壓力，令政府唔敢檢控示威者。
更多港聞
【明報專訊】周日舉行嘅撐警集會，部分記者採訪時亦受撐警者滋擾，即使親建制傳媒亦不能倖免，好似《大公報》記者亦被襲擊需要送院。事源香港眾志黃之...
詳情
第22屆校園記者：自行約訪租借旗袍店 奪6月寫作獎
【明報專訊】校記葉津茗從雜誌報道發掘題材，自行邀約受訪者更深入訪問，得到不少第一手資料。與別人相同的採訪題材，她卻能為讀者提供不同角度的資訊... 詳情相關新聞
