沙中線重啟聆訊 大狀終於「有樣睇」

代表禮頓嘅資深大律師石永泰噚日手持拐杖，走路比平時慢，記者關心佢身體狀况，石大狀就話「仲行得」。（蘇智鑫攝）

【明報專訊】沙中線紅磡站調查委員會再開延伸聆訊，噚日嘅初步聆訊都係講吓程序嘢。上年9月原調查開初步聆訊，來自英國嘅大狀都好緊張聖誕假，Emily見復活節剛過，嚟緊都冇咩大假，點知佢哋「目光遠大」，已經留意到兩個月後係暑假，擔心暑假後如果仲有其他嘢要再開聆訊處理，都可以知道幾時要返港。

英大狀提早擔心暑假工作

委員會主席夏正民仲講笑話，雖然佢離開咗大學「300年」，但都知有專家係大學教授，可能要用暑假改吓卷。港鐵代表、英國御用大律師Philip Boulding都加把口，話自己嘅仔女雖然已經20幾歲，但都知在座有律師嘅仔女讀緊書，可能要一齊放暑假。

Emily要讚吓聆訊室嘅設備有進步。過去聆訊室太細唔入得，Emily要喺出面房間睇電視，但熒幕中個個大狀都係「背多fun」，只睇到背影；噚日個鏡頭終於移咗位，Emily可以睇到大狀個樣之餘，熒幕仲有分鏡，可以睇埋夏正民嘅大頭。Emily仲留意到，聆訊室入面好似有人瞌眼瞓。

另外，代表禮頓嘅資深大律師石永泰噚日現身時拎住兩支拐杖，但就冇用到，見佢行路都好似比平常慢，Emily關心吓佢，佢冇講清楚係咪整親，只係話「仲行得」。希望半個月後調查委員會開始實質聆訊時，佢已經健步如飛啦。

更多港聞

金澤培自爆愛打GTA

【明報專訊】港鐵行政總裁金澤培（金博士）上個月履新，佢噚日第一次以行政總裁身分同傳媒茶敘。港鐵呢一年發生唔少事，金澤培喺呢個時候接手，佢慨嘆... 詳情

有請容祖兒 度天隊長籲投奔初夏

【明報專訊】天文台facebook出帖提大家噚日「立夏」，貼咗「度天隊長」（Dr Tin）唱容祖兒嘅歌《全身暑假》，字幕寫「全身暑假　投奔初... 詳情

被指獲車位租金優惠 元朗議員稱誹謗報警

【明報專訊】近日有人喺facebook群組「唱」元朗區議會副主席王威信，話元朗樓盤發展商私下畀王威信租用10年車位，指控王威信車位租金唔使加... 詳情

街外人使用飯堂 科大校長允監測

【明報專訊】近年部分遊客訪港時，或會前往香港的大學校園參觀，網上亦有接待內地遊客的觀光團，以「深度遊」及「名校考察」招徠，早前香港中文大學學... 詳情

落選港大學生會長五四座談 引習稱小我融入祖國大我

【明報專訊】參選香港大學學生會會長時聲稱無政治聯繫、最終落選的鄭鎮熙，日前在中聯辦舉辦的紀念五四100周年座談會，以港大學生身分發言，他稱，... 詳情