張宇人遲到道歉 許智峯調查委員會流會

【明報專訊】立法會大會前日流會，喺2017年修改《議事規則》後主席可隨時重開會議。譴責民主黨許智峯調查委員會噚日亦流會，但就唔可以隨時重開喇。委員會主席麥美娟話，因為會議內容保密，佢唔可以透露委員出席情况，又話只係差法定人數(5人)少少。7名委員中，法律界郭榮鏗同民建聯張國鈞離港並向秘書處請咗假，自由黨張宇人(Tommy)就向Emily承認自己「遲咗少少」，為流會致歉。

許智峯去年涉嫌喺立法會大樓搶女高級行政主任嘅手機，建制派提出譴責，相關調查委員會上年7月至今開咗3次會，原本噚日朝早8點半開會，等咗15分鐘後因為唔夠人而流會。

麥美娟：流會影響不大

Tommy話，過去委員會秘書若知道只得番5個委員喺香港都會早啲講，但佢今次就較遲知道，佢已趕返去開會，最後8點47分先去(點人數至8時45分，即差兩分鐘)。佢話流會唔會搵藉口，係自己問題，所以會致歉，又指噚日個會只係講一啲行政事務；麥美娟都話流會對日後工作唔會有太大影響。

更多港聞

鄭美施升常秘 王天予掌海事處

【明報專訊】兩名政務官升官。其中海事處長鄭美施喺5月2日起出任環境局常任秘書長、環境保護署署長，鄭美施喺海事處已經3年幾，係時候要調位。而E... 詳情

議辦被指藉派錢計劃拎資料 柯仔：會跟進

【明報專訊】政府派發4000元計劃，唔少人都會搵議員辦事處幫手，有網民日前喺facebook群組貼文，話喺民建聯立法會議員柯創盛一個辦事處，... 詳情

九社聯賀國慶搞湖南團 700賢達領袖訪毛澤東故居

【明報專訊】今年十一國慶70周年，九龍社團聯會噚日舉行傳媒午宴，介紹該會慶祝活動，下月舉行嘅湖南參觀團將打響頭炮，參觀中共已故領導人毛澤東故... 詳情