缺席財委會 盧偉國關西連日歎美食
[2019.04.09] 發表
【明報專訊】立法會一連五日舉行財委會特別會議，審議新一個財政年度各部門嘅開支預算，噚日係第一日會議，不過唔係個個議員都有出席，好似由上星期起已不斷喺facebook分享旅遊相片嘅經民聯主席盧偉國，似乎無理會噚日應該係開財委會嘅日子，繼續分享佢嘅「奈良和歌山賞櫻之旅」，仲好似食神咁嘅款，非常仔細咁描述美食。
盧偉國上周五清明節出發去關西旅行，連日來post遊記，噚日係第6篇，相信佢旅程好愉快，所以忍唔住每日分享，即使噚日係財委會召開3節特別會議嘅日子亦唔例外。盧偉國話，今次係同一對喺加拿大返港嘅好友去賞櫻，噚日離開和歌山，搵到另一間鰻魚專門店，喺白浜到關西機場途中，於是佢就去碰吓運氣。
盧偉國講埋該店嘅電話同地點，形容去到見到門口泊滿車，「空氣中傳來陣陣烤鰻魚嘅香氣」，就知自己搵啱咗，大讚鰻魚「燒得外脆肉軟，甘香豐腴！米粒粘上特製醬汁，風味絕佳」(見圖)。
更多港聞
【明報專訊】政府成日推銷大灣區規劃係香港嘅好機遇，中大香港亞太研究所噚日公布調查，結果顯示，認為大灣區規劃係香港發展機遇嘅人有37.3%；但...
詳情
【明報專訊】成日有人話「土地分配不均」，噚日Emily睇立法會財務委員會審核2019/20財政年度開支預算，發現香港地戲院分佈都好唔平均。根...
詳情
升中學生多3200 5.6人爭1英中額 離島44爭1 南區12
【明報專訊】小六學生的家長需於本月填寫升中「統一派位」選校表，教育局昨公布，截至2月底，預計今年約53,500學生參加升中派位，較去年同期多... 詳情
相關新聞
