記者政協被邀入群組 黃定光微信遭地產經紀騎劫
[2019.02.22] 發表
【明報專訊】Emily前晚突然被邀請加入咗一個微信群組，「發起人」係民建聯立法會議員黃定光(象哥)，31個群組成員包括發展局前局長馬紹祥、大律師馬恩國，仲有啲全國政協等，群組內一名任職地產經紀嘅女士話，歡迎大家搵佢放租放售或投資物業，仲提供埋卡片。至噚日凌晨象哥喺群組中澄清佢無建立群組，亦無邀請任何人加入，警告「未經同意擅自將他人加入群組內，非常不道德，甚至有可能犯法！請已加入此群組中人立即退出，管理此群組者24小時內刪除此群組」。
Emily問番象哥，佢話有人用佢個微信帳號開咗十個八個群組，每個群組有20至30人。佢自覺平日啲網絡安全做得唔錯，今次事件令佢大感奇怪同恐怖。
估計黑客入侵電話
象哥話，佢個仔估計可能係有黑客入侵咗佢個電話簿，再按聯絡人名字順序加啲人入群組。佢請教熟悉科技嘅黨友葛珮帆，葛都話唔識，佢將會搵專業人士幫手。象哥話唔會退出群組住，因為佢仲要發信息叫大家留意小心呢個群組。
更多港聞
【明報專訊】民建聯陳恒鑌（Ben）上月發現民主黨葵青區議員林紹輝一款「長者福利一覽」嘅海報抄襲民建聯，林紹輝承認「冇查清來源」之餘，指控有民...
詳情
嶺大內地組大灣區研究中心 鄭國漢：先提升水平 未擬設分校
【明報專訊】《粵港澳大灣區發展規劃綱要》支持粵港澳高校合作辦學，嶺南大學校長鄭國漢昨稱，暫無計劃於大灣區設分校，但會與內地院校成立研究中心，... 詳情
【明報專訊】港語學、學生動源及香港民族陣綫等組織昨舉行「終結普教中制度暴力誓師大會」，期望終結普教中，又批評有學校打壓說粵語的本港學童，違反...
詳情
相關新聞
