白鴿黨年宵出賣 議事廳狼人

民主黨會喺年宵發售「議事廳狼人」卡牌遊戲，玩家要搵出操控立法會嘅狼人。（梁智康攝）

【明報專訊】臨近農曆新年，唔少政黨都會推出特色產品喺年宵攤位發售，民主黨今年就推出「議事廳狼人」卡牌遊戲，參考「狼人遊戲」畀玩家做角色扮演，估出邊個係暗地操控議事廳嘅「狼人」。

除咗一眾高官同建制派，民主黨亦為黨友精心設計遊戲角色，例如將黃碧雲塑造成「貓女」，鄺俊宇變成愛神邱比特，每套卡牌賣88元，民主黨相信可以喺年宵賣晒1000套。

民主黨噚日向傳媒介紹呢款遊戲，負責創意媒體工作嘅黎敬瑋話，希望透過遊戲令市民輕鬆接觸政治信息，每張卡牌都印有相關政治人過去嘅言論，喚起市民記憶。遊戲內有30個角色，由黨內同事一手一腳設計，佢話事前已確保唔會出現侵權問題，而由於題材敏感，卡牌係喺香港製造。

題材敏感 香港製造

民主黨形容，「議事廳狼人」其中一個賣點，就係遊戲角色同現實政治環境互相呼應，4個暗地「操控議事廳」嘅狼人，分別係特首林鄭月娥、前特首梁振英、立法會主席梁君彥同民建聯主席李慧琼。

眾志賣二創國歌貼紙卷

另邊廂，香港眾志今年會喺年宵攤位發售印有中國國歌改詞嘅貼紙卷，藉此反對《國歌法》立法，眾志形容貼紙卷日後「可能變成違禁品」。

更多港聞

中聯辦春節酒會首播國歌 千人停傾偈

【明報專訊】中聯辦噚日舉行新春酒會，仲搞搞新意思，主禮台背景板第一次掛上國徽，酒會開始時亦加插奏唱國歌環節。儀式開始前，場內超過1000名社... 詳情

大南補選 「社區前進」李國權落場

【明報專訊】油尖旺區議會大南區補選將於3月24日舉行，民主派地區組織「社區前進」成員李國權噚日正式宣布參選，近40名街坊同民主派友好到場支持... 詳情

民協楊彧囡囡出世

【明報專訊】政圈近期有唔少喜事，繼新民黨陳家珮、容海恩先後生女，今次輪到民協深水埗區議員楊彧（彧音郁）迎來弄瓦之喜，前晚佢老婆喺私院剖腹誕女... 詳情

楊潤雄整蜆殼肉燴全蛋麵 寓意係……？

【明報專訊】教育局長楊潤雄噚日喺薄扶林職業訓練局（VTC）轄下嘅中華廚藝學院同傳媒新春午餐聚會，仲同VTC同學一齊煮咗幾味，話代表2018年... 詳情

為內地人外國客 警隊開微博Twitter

【明報專訊】特首林鄭月娥早前大讚警隊社交媒體推廣成功，不同社交媒體平台共有逾20萬名追隨者，比佢嘅facebook專頁多3倍。警隊噚日公布，... 詳情