青民交波畀茂波 政府大腳解圍

[2019.01.01] 發表

【明報專訊】《財政預算案》將喺2月27日公布，財政司長陳茂波近日密鑼緊鼓做諮詢，拍咗幾條短片宣傳，呼籲大家「交個波」畀佢。青年民建聯噚日去政總請願，真係拎咗個波想交畀司長，但政府代表拒收，最終只係收咗請願信就離開。

青民主席顏汶羽同Emily講，因為見到財爺喺唔同渠道呼籲大家交波畀佢，所以特登帶個波去，佢認為政府部門之間應多溝通。雖然政府唔肯接波，但佢都讚財爺嘅意念幾得意，一來司長本身叫陳茂「波」，二來過去政府諮詢時都係呼籲大家寫信、電郵，今次概念就比較形象化，有助鼓勵巿民發表意見。

青民向財爺總提出30項預算案建議，包括提高子女及供養兄弟姊妹免稅額、全數寬免港人首置印花稅、擴展青年宿舍計劃等。

更多港聞

【明報專訊】政府2018年初成立的士服務質素委員會，話要提升的士服務質素。委員會去年11月起到噚日，共推出5條短片，教的士司機點同乘客溝通、... 詳情