【明報專訊】距離11．25九龍西補選不足一個月，候選人都馬不停蹄拉票。獲建制派支持嘅候選人陳凱欣喺facebook貼文，話噚日朝早遇到一個小妹妹同佢嫲嫲，當時小妹妹正低頭寫字，陳凱欣八卦一望，發現小妹妹寫緊「陳凱欣」三個字，小妹妹好怕醜咁話自己都係叫陳凱欣。參選嗰位陳凱欣形容，同姓已經三分親，同名同姓感覺就更特別。

李卓人同民協大佬擺街站

陳凱欣話小妹妹嘅嫲嫲同佢講，佢哋全家都支持佢，叫佢加油，陳凱欣就祝福小妹妹努力，長大後成為有承擔、有理想嘅社會棟樑。陳凱欣形容呢次相遇係緣分，「街站日日也有奇遇，期待遇上更多有緣人」。另邊廂，工黨李卓人噚日早上就同民協主席施德來、副主席何啟明同楊彧，喺長沙灣海麗邨開街站，爭取支持。九龍西補選其他候選人包括伍廸希、曾麗文及馮檢基。