迪士尼優惠港人 買4張年票打八折
[2018.10.19] 發表
【明報專訊】迪士尼90周年喇！Emily收到風，由即日起至2019年1月15日，香港居民購買4張或以上「奇妙處處通」，可享高達八折嘅特別優惠。
香港迪士尼樂園嘅「奇妙處處通」會員享有多種折扣優惠，重點係可以一年指定時間任去玩！如果之前一直嫌貴，或者可以留意一下呢個香港人先有嘅優惠：購買兩張會員卡(白金卡/金卡)，成人可享九折優惠；購買3張會員卡(白金卡/金卡/銀卡)嘅話，不論成人、學生或者小童都有八五折；如果購買4張或以上嘅話更有八折優惠。不過留意番，呢個優惠唔適合購買長者「奇妙處處通」㗎。
此外，令人期待已久嘅「蟻俠與黃蜂女：擊戰特攻！」確定咗喺下年3月登場。到時候入場者就可以幻想自己縮成螞蟻大小，坐住戰車同蟻俠等人對抗邪惡勢力！
更多港聞
局長fb開張名人齊撐 環保人唐文龍踩場 黃錦星口震震
【明報專訊】環境局吉祥物「大嘥鬼」大受歡迎，宣傳環保之餘不時對時事抽?水，得到網民歡心；被指同大嘥鬼好似樣嘅環境局長黃錦星近日開咗faceb... 詳情
【明報專訊】香港教育大學噚日公布，將會頒發榮譽博士學位畀5人，包括嶺大前校長陳坤耀、行政會議前召集人林煥光、國際知名學者戴傑思（Christ...
詳情
THE排名 科大商經跌至亞洲第三 遭星超越 港大法律失亞洲第一
【明報專訊】《泰晤士高等教育》（THE）公布2019年全球大學獨立學科排名，法律學科中，香港大學於全球187間大學之中位列22，按年下跌4名... 詳情
相關新聞
