「山竹」無阻考察 陳國基提早率團上京
[2018.09.15] 發表
【明報專訊】政府噚日發稿，兩名副局長、14名政治助理同3名創新辦人員，喺9月17日至22日去北京參加國家行政學院嘅課程，加深了解國家最新發展，特首辦主任陳國基會率團，同埋參與課程首兩日活動。碰?超強颱風「山竹」逼近香港，天文台話聽日發8號風球機會「相當高」，為咗確保行程無誤，Emily聽聞研修團會提早出發，今日會啟程去北京。
今次研修班除咗會上堂之外，Emily聽聞亦有機會拜會港澳辦，仲會去參觀一啲青年創業中心，兩名副局長團友係教育局副局長蔡若蓮，同埋創新及科技局副局長鍾偉強。
政府發言人話，政府一貫為政府中高級人員安排各類型國家事務培訓，包括與內地院校合作，舉辦國家事務研習課程，等佢哋了解國家喺政經、社會、文化等方面嘅政策、發展，今次同國家行政學院合作安排嘅課程，內容圍繞國家體制、政策和發展等課題，活動包括課堂學習同實地考察。
更多港聞
相關新聞
