【明報專訊】政府每年透過「社區參與計劃」，撥款畀區議會自行舉辦康體文娛活動。元朗區議會早前有意透過計劃，撥款近20萬元畀地區組織，放映10場由導演高志森執導?1994年電影《我和春天有個約會》，其中5萬元係版權費。無獨有偶，灣仔區議會噚日亦審議地區組織申請1萬元，於月中放映1場呢套戲，不過由於議員意見不一，未有付諸表決，意味呢場放映暫時拉倒。

根據「港灣婦女會」向灣仔區議會撥款及常務委員會提交�鴷蚑邾毀琱憟鞳A呢場戲原定於本月16日�鷊禨洈幫牁|堂放映，目標吸引350人參加，話希望「藉著電影欣賞，帶出更多社會訊息，讓參加者進一步認識身邊的事物，了解社會的問題，同時間慶祝中秋，與眾同樂」。

嫌舉辦日期太近 唔關開支

婦女會話，活動總成本逾1.1萬元，其中1萬元向區議會申請，包括5500元「租影片費用」，其他用作宣傳同禮物等。灣仔區議員楊雪盈同Emily講，自己平時做社區放映都唔使用咁多錢，質疑婦女會開支過高。佢話噚日委員會無付諸表決�麰鴞]，係因為建制委員認同申請撥款同活動舉辦日期太近，而非因為開支高昂或影片選擇，所以佢預料撥款即使暫時拉倒，婦女會未來再提交申請，都可能通過咁話。